عبدالله بن مرضي الودعاني
24/02/2006, 17:48
قصيدة الشاعر: سعد بن مهدي الحبابي القحطاني في مدح الوداعين أهل السليل عندما رافقهم اربع سنوات من خلال عمله كمعلم بمحافظة السليل
يالله يالمطلوب ياقاضي الدين=ياواحد كل الملا تلتجي له
فرد صمد مد البلد بالميامين= وامن وآمان عقب ماهي محيلة
يالله عساه ايدوم آمين وآمين=ياناصر دينك ومن ينتميله
من بعدها والقول يلقا براهين=والعز منهاج القبايل الاصيله
قول الحبابي بالحقايق ويازين=رسم الكلام اللي يثبت دليله
في مركب الايام والعمر يومين= حسب الضروف وللمعالي وسيله
ومن طيب حضي جيت بين الوداعين=قبيلة بالعز نعم القبيله
اهل السليل في المواقف سلاطين=عند القسى مثل السيوف الصقيله
روس الرجال مرجحين الموازين= اهل المراجل والفعول الجزيله
عاداتهم تعرف مع العسر واللين= وقفاتهم عند الشدايد ثقيله
واهل الفعايل ملحقين المخلين= واهل الجهام اللي قليل مثيله
يرعون به حد المعادي جريين=من بطن نجد الى النفود المهيله
تشهد لهم طالاتهم في الميادين=لاجا نهار فيه قدح الفتيله
وتشهد لهم عشر السوالف بتمكين= عند الخوي والجار لاقل حيله
وسلومهم وعلومهم بالعناوين= في روس مشذوب الرجوم الطويله
اربع سنين بينهم تعجب العين=والطيب يثنى كل يوم وليله
خوة شرف كني مع الربع لدنين = عزي لمن دنياه ماتستوي له
ماهيب تستغرب من اول وذالحين= مجنى حرار وكلهم من فصيله
وكل اخويانا بافخر فالهم زين = ومن قدم الناموس يلقا بديله
واليوم جانا النقل من وين لا وين=الله يعلم والليالي كفيله
والله لولا الخط ماحن براضين= لاكن كل ماضي في سبيله
بين العمل والبيت ميه وعشرين=والوقت قاسي والمسافة طويله
ان جيت منا لا المناعير وافين=وان جيت منا حاجة مستحيله
لاكن على ماقيل لو طول البين= القدر يملا الصدر والله وكيله
وعلى المعزة والمواصل مقيمين=سلم الرجال ومن دعانا نجي له
الله يثبتنا على الحق والدين=ويزيل عنا كل عيله وميله
وختامها ياشين فرقا المحبين =واللي شكاها ياعرب عزتي له
الشاعر سعد بن مهدي القحطاني
وهذه القصيده هي ردي عليه نيابة عن ربعي المطاليق أهل السليل بشكل عام ولايعني ذلك انني افضلهم ولكن انا من شرفوه بثقتهم
يامرحباً بك يابن قحطان وأهلين= ترحيبة في مستواها نبيله
ماترخص إلا للرجال الكريمين= خليلها النشمي وهي له خليله
وننطح بها قاف الرجال العزيزين= وتثنى لقافك عد وبل المخيله
واعداد ما صفت صفوف المصلين = ومابان نور الصبح وانزاح ليله
صح الله إلسانك على المنطق الزين=وعوايدك بدع الهروج الدليله
على الجزاله ياسعد منك ضارين=ولا نذكر انها جات منك الهزيله
ولا هنت في مدحك لنا يا أحمر العين= فيما بدعت من البيوت الجزيله
ولا عليكم زود بالطيب وافين= يا أهل المراجل والسلوم الجميله
يابن مهدي نعم بذكرك ونعمين= وقولت نعم في حق مثلك قليله
قرم وساسك من زحول القحاطين = ساس الشرف واهل الوجيه الطويله
يجدبك للناموس والجود جدين=تمكنت فيك العروق الاصيله
رافقتنا يابن الرجال اربع اسنين= ومرت علينا مثل يوم وليله
رفقتك تشرى ياسعد بالملايين = ومثلك يلامن راح يصعب بديله
عشنا ورافقنا رجال عديدين = ولا كل من قفا شحنا رحيله
ولا كل من جانا من الربع لقصين=يروح منضور بعينٍ جليله
والرجل بفعاله لربعه عناوين = وانت لبني عمك كسبت الفضيله
ولو غبت عنا عنك ماحن بسالين= ولا نعتبر وصل الهواتف وسيله
مايكفي الجوال مره وثنتين= دام اجتماعٍ بك لنا فيه حيله
شوفتك يقرب لجلها نازح البين = ورفيقنا الطيب لزوم انعنيله
وتمت وصلى الله على ناصر الدين= نبينا المختار من بين جيله
وأقبل تحيات ازملاك الوداعين = من باب تقدير الزميل لزميله
مشمومها الكادي وعطر الرياحين= ونفحٍ من الرسلان لافاح هيله
الشاعر: عبدالله بن مرضي الجماعين
يالله يالمطلوب ياقاضي الدين=ياواحد كل الملا تلتجي له
فرد صمد مد البلد بالميامين= وامن وآمان عقب ماهي محيلة
يالله عساه ايدوم آمين وآمين=ياناصر دينك ومن ينتميله
من بعدها والقول يلقا براهين=والعز منهاج القبايل الاصيله
قول الحبابي بالحقايق ويازين=رسم الكلام اللي يثبت دليله
في مركب الايام والعمر يومين= حسب الضروف وللمعالي وسيله
ومن طيب حضي جيت بين الوداعين=قبيلة بالعز نعم القبيله
اهل السليل في المواقف سلاطين=عند القسى مثل السيوف الصقيله
روس الرجال مرجحين الموازين= اهل المراجل والفعول الجزيله
عاداتهم تعرف مع العسر واللين= وقفاتهم عند الشدايد ثقيله
واهل الفعايل ملحقين المخلين= واهل الجهام اللي قليل مثيله
يرعون به حد المعادي جريين=من بطن نجد الى النفود المهيله
تشهد لهم طالاتهم في الميادين=لاجا نهار فيه قدح الفتيله
وتشهد لهم عشر السوالف بتمكين= عند الخوي والجار لاقل حيله
وسلومهم وعلومهم بالعناوين= في روس مشذوب الرجوم الطويله
اربع سنين بينهم تعجب العين=والطيب يثنى كل يوم وليله
خوة شرف كني مع الربع لدنين = عزي لمن دنياه ماتستوي له
ماهيب تستغرب من اول وذالحين= مجنى حرار وكلهم من فصيله
وكل اخويانا بافخر فالهم زين = ومن قدم الناموس يلقا بديله
واليوم جانا النقل من وين لا وين=الله يعلم والليالي كفيله
والله لولا الخط ماحن براضين= لاكن كل ماضي في سبيله
بين العمل والبيت ميه وعشرين=والوقت قاسي والمسافة طويله
ان جيت منا لا المناعير وافين=وان جيت منا حاجة مستحيله
لاكن على ماقيل لو طول البين= القدر يملا الصدر والله وكيله
وعلى المعزة والمواصل مقيمين=سلم الرجال ومن دعانا نجي له
الله يثبتنا على الحق والدين=ويزيل عنا كل عيله وميله
وختامها ياشين فرقا المحبين =واللي شكاها ياعرب عزتي له
الشاعر سعد بن مهدي القحطاني
وهذه القصيده هي ردي عليه نيابة عن ربعي المطاليق أهل السليل بشكل عام ولايعني ذلك انني افضلهم ولكن انا من شرفوه بثقتهم
يامرحباً بك يابن قحطان وأهلين= ترحيبة في مستواها نبيله
ماترخص إلا للرجال الكريمين= خليلها النشمي وهي له خليله
وننطح بها قاف الرجال العزيزين= وتثنى لقافك عد وبل المخيله
واعداد ما صفت صفوف المصلين = ومابان نور الصبح وانزاح ليله
صح الله إلسانك على المنطق الزين=وعوايدك بدع الهروج الدليله
على الجزاله ياسعد منك ضارين=ولا نذكر انها جات منك الهزيله
ولا هنت في مدحك لنا يا أحمر العين= فيما بدعت من البيوت الجزيله
ولا عليكم زود بالطيب وافين= يا أهل المراجل والسلوم الجميله
يابن مهدي نعم بذكرك ونعمين= وقولت نعم في حق مثلك قليله
قرم وساسك من زحول القحاطين = ساس الشرف واهل الوجيه الطويله
يجدبك للناموس والجود جدين=تمكنت فيك العروق الاصيله
رافقتنا يابن الرجال اربع اسنين= ومرت علينا مثل يوم وليله
رفقتك تشرى ياسعد بالملايين = ومثلك يلامن راح يصعب بديله
عشنا ورافقنا رجال عديدين = ولا كل من قفا شحنا رحيله
ولا كل من جانا من الربع لقصين=يروح منضور بعينٍ جليله
والرجل بفعاله لربعه عناوين = وانت لبني عمك كسبت الفضيله
ولو غبت عنا عنك ماحن بسالين= ولا نعتبر وصل الهواتف وسيله
مايكفي الجوال مره وثنتين= دام اجتماعٍ بك لنا فيه حيله
شوفتك يقرب لجلها نازح البين = ورفيقنا الطيب لزوم انعنيله
وتمت وصلى الله على ناصر الدين= نبينا المختار من بين جيله
وأقبل تحيات ازملاك الوداعين = من باب تقدير الزميل لزميله
مشمومها الكادي وعطر الرياحين= ونفحٍ من الرسلان لافاح هيله
الشاعر: عبدالله بن مرضي الجماعين