عبدالله بن مرضي الودعاني
24/02/2006, 01:09
قصيده مرثية قلتها في مساء يوم الاثنين الحزين الذي فارقنا فيه خادم الحرمين الشريفين فهد بن عبد العزيز رحمه الله
ابشع خبر في الارض لجوا به الناس = رحيل ابو فيصل ضحى يوم الاثنين
منه يحق لخاطري يوم ينحاس= ومن حقها تعصى علي دمعة العين
تبكي على فرقا الفهد طيب الساس = وتبكي مع عيني اعيون الملايين
اي والله نبكي حزن من قلب واحساس=على الفهد نور الديار وذرى الدين
الحاكم اللي يعتبر للعرب راس=ويعيش في ظله اشعوب وسلاطين
سجل له التاريخ في كل كراس = للمجد وافعال الشهامه عناوين
معالم امجاده اجدادٍ ودراس= غيث شمل لدنين خيره ولقصين
ياما على روس العدى بالقدم داس=وياما كسب جولات شهب الميادين
لاجاء نهار فيه الارياق يباس = يرسي وياقف وقفة تقضي الدين
وشيخ من اطبوعه عطوف وحساس= على اليتاما والضعوف المساكين
وفكره على شعبه رقيب وحراس = سور يذري دولته والموالين
وصرنا بعهده للحضارات نبراس=تظرب بها الامثال دار الحرمين
من قبل ابو فيصل كساها باالاماس=وثوب الجمال اربع سنين وعقدين
ومن قبل ابو فيصل جعل حمر الاطعاس=خضر تشابه يانعات البساتين
ومن وزع المصحف على كل الاجناس=ومن سل سيفه دون مسجد فلسطين
وشلون مانبكيه من قلب واحساس= فخرٍ غدابه عام سته وعشرين
ولايعتبر نعي الفهد مبتدى ياس = عاداتنا ف وجه الاحداث قاسين
وان غاب نوماس بدى وجه نوماس=تاريخ دولتنا من اسنين وسنين
ومن فضل ربي ما على المملكة باس = مادام ابو متعب وسلطان حيين
حكامنا لباسة الدرع والطاس = اخوان نوره قمع روس المعادين
ندر حرار فوق الاوكار جلاس=مادامهم حكامنا حضنا زين
نبقى بنعمة الامن والدين غطاس= والعز والرفعه وعدل الموازين
وختام قولي عد ماهب نسناس = الحمد للي ننحني له مصلين
الشاعر| عبدالله بن مرضي الجماعين
ابشع خبر في الارض لجوا به الناس = رحيل ابو فيصل ضحى يوم الاثنين
منه يحق لخاطري يوم ينحاس= ومن حقها تعصى علي دمعة العين
تبكي على فرقا الفهد طيب الساس = وتبكي مع عيني اعيون الملايين
اي والله نبكي حزن من قلب واحساس=على الفهد نور الديار وذرى الدين
الحاكم اللي يعتبر للعرب راس=ويعيش في ظله اشعوب وسلاطين
سجل له التاريخ في كل كراس = للمجد وافعال الشهامه عناوين
معالم امجاده اجدادٍ ودراس= غيث شمل لدنين خيره ولقصين
ياما على روس العدى بالقدم داس=وياما كسب جولات شهب الميادين
لاجاء نهار فيه الارياق يباس = يرسي وياقف وقفة تقضي الدين
وشيخ من اطبوعه عطوف وحساس= على اليتاما والضعوف المساكين
وفكره على شعبه رقيب وحراس = سور يذري دولته والموالين
وصرنا بعهده للحضارات نبراس=تظرب بها الامثال دار الحرمين
من قبل ابو فيصل كساها باالاماس=وثوب الجمال اربع سنين وعقدين
ومن قبل ابو فيصل جعل حمر الاطعاس=خضر تشابه يانعات البساتين
ومن وزع المصحف على كل الاجناس=ومن سل سيفه دون مسجد فلسطين
وشلون مانبكيه من قلب واحساس= فخرٍ غدابه عام سته وعشرين
ولايعتبر نعي الفهد مبتدى ياس = عاداتنا ف وجه الاحداث قاسين
وان غاب نوماس بدى وجه نوماس=تاريخ دولتنا من اسنين وسنين
ومن فضل ربي ما على المملكة باس = مادام ابو متعب وسلطان حيين
حكامنا لباسة الدرع والطاس = اخوان نوره قمع روس المعادين
ندر حرار فوق الاوكار جلاس=مادامهم حكامنا حضنا زين
نبقى بنعمة الامن والدين غطاس= والعز والرفعه وعدل الموازين
وختام قولي عد ماهب نسناس = الحمد للي ننحني له مصلين
الشاعر| عبدالله بن مرضي الجماعين