حكمتني مثل حكم الغرب في كربلا [الأرشيف]

مشاهدة النسخة كاملة : حكمتني مثل حكم الغرب في كربلا

عبدالله بن مرضي الودعاني

18/02/2006, 04:44

اهدي لكم هذه القصيده الغزليه التى شاركت بها تلبية لطلب هواة قصيد الغزل علما انها لاتخلوا من المبالغة بعض الشئ0000 عسى ان تنال اعجابكم وللمعلوميه كانت في سن المراهقه

حيا الله ارسالتك يازين واهلآً هلا=وتسلم يدٍ سجلتها وارسلتها وجات

اشكرك لطفك بحال العاشق المبتلا=واشكرك حسن اختيارك نادرالمفردات

هذا كلام الوداد العذب ولا فلا=يحتاج بين الحبايب عشق ومراسلات

لاتحسب ان صاحبك يازين منك سلا=لا والذي نزل الفرقان والعاديات

يازين حبك على وصف اللسان اعتلا=تجاوز المستحيل وصار من المعجزات

لو تبغي اعلن غرامي فيك عند الملا=قلته ولاهمني ماقال راعى الشمات

حكمتني مثل حكم الغرب في كربلا=الإختلاف الوحيد ان ما معك طايرات

غزيتني بالتغنج والدلع والحلا=ونظرة عيون لعشاق البها فاتنات

لاغبت عنك ثلاث ايام جاني بلا=وعيني من الشوق ماتهنا بحلو المبات

اعيش بين البشر والفكر بأرض خلا=يصيب فكري على غيبتك عني شتات

وان جا اتصالك يشاليني ولابه شلا=شلاي في شوفتك ياسيد المترفات

لاشفتك انزاح من القلب العنا وانجلا=ونسيت كل العذاب وقلت مافات مات

لجل انك تساهل العشق النقي والغلا=وتستاهل احلى القصايد واكبر التضحيات

عالي ولا تعشق إلا من يعشق العلا=للاش ما ارخصت نفسك مثل بعض البنات

لك مني الود وعهود الوفى والولا=يانهر دجله عطاك العهد نهر الفرات
الشاعر عبدالله بن مرضي الودعاني

عبدالله بن مرضي الودعاني

18/02/2006, 05:38

مشكور على المشاركة و انا متأكد يابو طلال ان القصيده هذي قديمه لأني اعرفك مالك في العشق هذا الرد على شان بعض الناس ما يزعل

الرمـalram7ـح

18/02/2006, 07:09

لو تبغي اعلن غرامي فيـك عنـد المـلا=قلته ولاهمني ماقـال راعـى الشمـات

حكمتني مثل حكـم الغـرب فـي كربـلا=الإختلاف الوحيد ان ما معـك طايـرات

لاشلت يمينك على هذه الفاتنه اخي عبدالله

بأنتظار جديدك ،،،

الرمـalram7ـح

18/02/2006, 10:39

أخي الشاعر مر وحالي تـــم نقل هذه القصيده التي تنتمي لك

من قسم قصائد وخواطر منقوله الى قسم إبداعاتي الشعريه وخواطري

متمنيين منك اخي العزيز ومن الجميع وضع القصائد التي لهم بقسم الابداعات

واذا كانت منقوله فبقسم قصائد وخواطر منقوله

تقبل فائق التقدير والإحترام ،،

الباسل

18/02/2006, 11:02

يازين حبك على وصف اللسـان اعتـلى ....... تجاوز المستحيل وصار من المعجـزات

صح لسان ابومرضي

ولسانك

وحقيقة انت حيرتنا هل انت من قال القصيدة ام انك نقلتها

تقبل تحياتي

عبدالله بن مرضي الودعاني

18/02/2006, 18:04

الله لايهينكم على المتابعة اخوي الرمح واخوي الباسل وهذا اكبر شرف لي 000اذا قدمت مشاركه

وسمعت اعجابكم بها0000 تفسير ذلك انني حققت هدفي وهو رضاكم لكم الوووووووووووود

أبو محمد الودعاني

18/02/2006, 19:40

لاغبت عنـك ثـلاث ايـام جانـي بـلا=وعيني من الشوق ماتهنا بحلو المبـات
اعيش بين البشر والفكـر بـأرض خـلا=يصيب فكري على غيبتك عنـي شتـات

قصيدة رائعة يا اخوي عبدالله
وصح لسانك
وارفع الله مقامك
ومثلك وشرواك ولا يهونون الزوار والأعضاء يفتخر بهم المنتدى
ونطلب المزيد من القصايد

نازع الود

18/02/2006, 20:36

اعيش بين البشر والفكـر بـأرض خـلايصيب فكري على غيبتك عنـي شتـات

وان جا اتصالك يشالينـي ولابـه شـلاشلاي فـي شوفتـك ياسيـد المترفـات

لاهنت يالغلا

مشكووور على الابداع

الباسل

18/02/2006, 22:05

أخي الحبيب ابومرضي

صح لسانك على هالرائعة

ولكن يبدو انه فيه لبس في الموضوع

بالامس

انا ظننت أن أحد الأعضاء باسم مستعار
وضع القصيدة لعبدالله بن مرضي

وتفاجأت اليوم بأن العضو باسم عبدالله بن مرضي
وهذا اللي خربطني شوي

عموماً يامكسب المنتدى الله لايهينك

ولايحرمنا مكن ابداعاتك

تحياتي

عبدالله بن مرضي الودعاني

19/02/2006, 11:49

مرحبا بكم جميعاً اخوي مشرفنا الذين واخوي نازع الود واخول الباسل

لايسعني قوله الا قول مشكورين وادامكم الله لنا امان من الفتور وتاكدوا ان متابعتكم لي تعني لي الشئ الكثير والاكبر مما تتوقعون لكم وافر التحيه

السد العالي

19/02/2006, 13:34

جميلا هذا المنتدى الذي اظهر ابيات لايجاريها ابيات

حقيقه الشعر بحر يتفنن الشعراء في نظم القوافي وكلا له نورق خاص فتتسمر العقول مذهوله في جزالة الابيات والوصف0

ننتظرك فلا تغيب0

عبدالله بن مرضي الودعاني

19/02/2006, 15:25

اخي العزيز السد العالي ان وفقت لاعجابكم فهذا توفيق من الله يشكر عليه وثانيا

اعلم وتأكد ياعزيزي انه يحيط بهذا المنتدى بحور عده بل محيطات من الشعر ولكن يعانون من مرض اسمه التهاون والا مبالاه وعدم التفكير في ما يفيد المظهر العام وان عاتبتهم احرجوك بقول
لادخلنا منتدي السليل وشفنا القصيد اللي فيه خجلنا ان نضع قصائدنا بجانبها

فمن اقتراحي على المنتدى ان يختصر قسم يسمى (انهار وابحار القصائد) ولا يسمح لأحد ان يعوم فيه الا بعد الاشراف عليه والتاكد انه شاعر مؤهل للعوم في البحر

رحال100200

20/02/2006, 01:38

ياخووووووووووووووووك يابومرضي اسمك علم!!!
ليه مر وحالي وانت شاعرماهوأي شاعر ياخوك,,,
نفتخربك وعطنا والمنتدى لك ..انت ياشيخ وين شعار السليل
ياليت يكون المنتدى لهل السليل وشعارها
سلاااااااااااااامي لك واللي مايعرفك!!مايثمنك ياأبن عمي؟؟
ياليتك حالي وحالي ياابوطلال
اطلب المزيد منك ومن جدانا اللي راحو فخر لك ولي
والسلاااااااااااااااااام اخوك ؟؟؟رحال

عبدالله بن مرضي الودعاني

21/02/2006, 16:42

والله ونعم بأبن بنيان الله يغفر له ولأموات المسلمين وعزالله انه كفوا وقول على فعل وبعدين أخوي رحال الله يقطع سواليفك انت من انت وياليت تراسلني على بيريدي اللي بسجله بعد شوي ودي أعرفك وللمعلوميه تراني ما أعرف فهد ولا ادري
ان ال الفحيل فيهم فهد واذا هو زعلان علي اعتذر لي منه والسالفه كلها كلام

am4992@hotmail.com

الحـــوت

21/02/2006, 17:08

سبحان الله الان تعارفتو وتحاببتو يعني خلاص سمن على عسل يارحال وياعبدالله
الحمدلله الذي اصلح مابينكم هجل نسوي عشا صلح لهذي المناسبه
وياليت تصطحبون معكم وانتوا جايين للعشاء فهد الفحيل اللي زعلتوه وفشلتوه!!

الحين مايتم الصلح الا بفهدنا :sm99: :sm223:

الاستاذ مبارك الفاضل

21/02/2006, 20:53

هلا والله بالشاعر ابو مرضي وسعداء جدا بك هنا
واعذرني عن التاخير في الرد على هذة الرائعة التي عرفناك رائعا وتعرف كثرة الارتباطات وخاصة هذة الايام مابين حل وترحال
هلا بك وتميزك هنا يسعدنا وكم نحن مغبوطين بكل مبدع امثالك

عبدالله بن مرضي الودعاني

21/02/2006, 21:23

اخي الحوت مرحبابك ومرورك يعني لي الشئ الكثير واما من ناحية العشاء الله يكثر خيرك خله لين يجي السيل ان شاء الله ونطلع منسوبي المنتدى واما ناحية انا ورحال وفهد اذا كنت تعقتد ان اختلاف وجهات النظر الذي حصلت تحتاج الى صلح فأنت مخطئ هدفي واخواني امتاعكم وتحدي شريف كل يحاول فيه ايضاح تميزه على الآخر والخلاصه سبقنا بها الأخ فهد ( اختلاف الرأي لايفسد للود قضية) ولا تشترط زمالتنا ان نكون كلنا شعار شعار مبدعين وما زلنا مصرين على التصحيح للبعض لأننا على الهواء مباشرة ليس هناك فرصة للمخرج
كلنا هنا من اجل المنتدى فمن تمييز نقول تمييزت ومن لم يحالفه الحض نقول حاول مره اخرى للبحث عن الافضل لك وددددددددددي وتقديري

عبدالله بن مرضي الودعاني

21/02/2006, 21:27

هلا ياخوي (السليل) ومشكور على مرورك ولا فيك شك على شان تعتذر وليس هدفنا من المشاركة جمع اكبر عدد ممكن من الردود هدفنا ان نخلق متعة للزوار اذا حلوا ضيوف علي منتدانا ونحسن منى نظرتهم فينا وانت سيد العارفين لك ودددددددي وتقديري

السيف دايم

22/02/2006, 17:52

حكمتني مثل حكم الغرب في كربلا=الإختلاف الوحيد ان ما معك طايرات

غزيتني بالتغنج والدلع والحلا=ونظرة عيون لعشاق البها فاتنات

لاغبت عنك ثلاث ايام جاني بلا=وعيني من الشوق ماتهنا بحلو المبات

قصــــــــيده جميله

من شاعر لايختلف عليه اثنان في جمال وروعة قصائده

تحياتي لك

ولاتحرمنا من مثل هذه الابيات؟؟
ترى القلوب مازالت خضر؟؟؟؟

مشكوووور مره اخرى

عبدالله بن مرضي الودعاني

23/02/2006, 00:00

هلا يا السيف دايم واهم شي عندي ان القصيده اعجبتك والله يعطي قلبك اللي يسعده

عبدالله بن مرضي الودعاني

10/04/2006, 05:17

شكرا للجميع ولاخلينا منكم فمرورك هو الدعم لتقديم الافضل0000محب الجميع ابوطلال

عذاب

06/05/2006, 22:06

عبدالله بن مرضي الودعاني

16/05/2006, 03:47

لا وتقوووووووووووول شكرا 000000 ؟؟؟؟؟؟؟؟؟؟؟؟؟؟؟
والله الشكر لك يابو طلااااااااااااااااااااااااال 0صح السانك يالغالي 000
والله يبارك بالي خلاك تتحفنا بهذه الرائعه 00000 عالي ولا تعشق الا من يعشق العلا = للاش مارخصت نفسك مثل بعض البنات0

مرحبا بك وبمرورك ياخيتنا الغاليه عذاب وصح بدنك وثقي بأن أغلب ما لحضتيه من جمال في القصيده اغلبه ينبعث من ذوقك الراقي 000لك الود الخاص من محب الجميع ابوطلال 000 واعتذر على تأخير الرد فقد كنت مسافر

الساحر

18/05/2006, 22:36

hf,ابو مرضي مساك الله بالخير
خل عني قصايد الغزل وشف الي اهم منه وافهم يفهيم

عبدالله بن مرضي الودعاني

19/05/2006, 01:11

hf,ابو مرضي مساك الله بالخير
خل عني قصايد الغزل وشف الي اهم منه وافهم يفهيم

الله لايهينك على مشاعرك الساميه بين من وسيلة نصيحتك واسلوبك إنك تحبني وااااااااجد ولاتخاف كل شئ عندي معطيه حقه 000 وثاني مره ياليت النصيحه تكون من الراس ولا ريح عمرك 0000 لك الود والورد من محب الجميع ابوطلال

دايم الشوق

19/05/2006, 02:50

صح لسانك يابو طلال وننتظر
قصايدك الرائعه الي امتعتنا فيها
وعقبال مانشوف طلول شاعر في المنتدأ

ابوفالح

19/05/2006, 21:11

صح لسانك يا ابو طلال

عبدالله بن مرضي الودعاني

06/12/2007, 14:46

صح لسانك يابو طلال وننتظر
قصايدك الرائعه الي امتعتنا فيها
وعقبال مانشوف طلول شاعر في المنتدأ

الاخ الكريم

دايم الشوق

مرحبا بك وصح بدنك والله لابهبنك على المرور العذب

لك الود والورد من محب الكل

ابوطلال

عبدالله بن مرضي الودعاني

06/12/2007, 14:47

صح لسانك يا ابو طلال

الاخ الكريم

ابوفالح

صح بدنك والله لابهبنك على المرور

لك الود والورد من محب الكل

ابوطلال