الوحيـــد
27/11/2005, 21:52
الـعــيــون الـــســـود
((غــــزلــــيـــــه))
لازعلـت وقلـت وصلـت للنهـايـه=جيت ناوي قطعهـا دون أفتراضـي
مع حبيـب ماعـرف معنـى غلايـه=بيّح بسـدي ومنـه الدمـع فاضـي
ولانضـرت عيونهـا جانـي عنايـه=عوّد الزعلان مـن دعـواه راضـي
أرتبك وأنحاس مـدري وش بلايـه=والقضيه جات عندي حكـي فاضـي
وتنـازل عـن طعـون فـي خفايـه=وأعتبر مافات مات وصـار ماضـي
والعيون السود لـي معهـا روايـه=في جميع أفصولها سـر انتهاضـي
ولي معا عين المهـا علـم وحكايـه=يـوم نادتنـي نواعسهـا الحاضـي
شفت في عينـه علاجـي والوقايـه=تحتوينـي كـل ماضاقـت لأراضـي
في بدايه حبـك اللـي فـي حشايـه=يوم غنا طيـر حبـك فـي رياضـي
وأنت كل الحـب مـن ألفـه لا يايـه=واصدقه وانقاه وابيـض مالبياضـي
كنت احسب الحـب تمثيـل ودعايـه=لين برق الحب في ظلمـاي ناضـي
قمت أهوجس به وانا أمشي في خلايه=لافقدتـه صـار بالقلـب أنقبـاضـي
الله اللـي خالقـك للخـلـق آيــه=من عجائب خلقه اللي في الفياضـي
مايشابـه صورتـه غيـر المرايـه=أشهد اني به حضيض من حضاضـي
كان عيني لا أرمشت تحجب هوايـه=جعل جفن العين مايعـرف اغماضـي
انـت حلمـي لاتحقـق لـي منايـه=جعلني ما أعتاض في غيرك واعاضي
ياسفـر صبحـي وياشمعـه مسايـه=من غلاكم عـن خطايـاك امتغاضـي
ويش اداعي ويش اقاضي ياشقايـه=وانت وسط المحكمه خصمٍ وقاضـي
والحقيقـه لـو رجعـنـا للبـدايـه=أنت ابوهـا سمّهـا دون أعتراضـي
مع تحيات أخوكم الشاعـــــــر :
حسن بن محمد آل بطحيه
((غــــزلــــيـــــه))
لازعلـت وقلـت وصلـت للنهـايـه=جيت ناوي قطعهـا دون أفتراضـي
مع حبيـب ماعـرف معنـى غلايـه=بيّح بسـدي ومنـه الدمـع فاضـي
ولانضـرت عيونهـا جانـي عنايـه=عوّد الزعلان مـن دعـواه راضـي
أرتبك وأنحاس مـدري وش بلايـه=والقضيه جات عندي حكـي فاضـي
وتنـازل عـن طعـون فـي خفايـه=وأعتبر مافات مات وصـار ماضـي
والعيون السود لـي معهـا روايـه=في جميع أفصولها سـر انتهاضـي
ولي معا عين المهـا علـم وحكايـه=يـوم نادتنـي نواعسهـا الحاضـي
شفت في عينـه علاجـي والوقايـه=تحتوينـي كـل ماضاقـت لأراضـي
في بدايه حبـك اللـي فـي حشايـه=يوم غنا طيـر حبـك فـي رياضـي
وأنت كل الحـب مـن ألفـه لا يايـه=واصدقه وانقاه وابيـض مالبياضـي
كنت احسب الحـب تمثيـل ودعايـه=لين برق الحب في ظلمـاي ناضـي
قمت أهوجس به وانا أمشي في خلايه=لافقدتـه صـار بالقلـب أنقبـاضـي
الله اللـي خالقـك للخـلـق آيــه=من عجائب خلقه اللي في الفياضـي
مايشابـه صورتـه غيـر المرايـه=أشهد اني به حضيض من حضاضـي
كان عيني لا أرمشت تحجب هوايـه=جعل جفن العين مايعـرف اغماضـي
انـت حلمـي لاتحقـق لـي منايـه=جعلني ما أعتاض في غيرك واعاضي
ياسفـر صبحـي وياشمعـه مسايـه=من غلاكم عـن خطايـاك امتغاضـي
ويش اداعي ويش اقاضي ياشقايـه=وانت وسط المحكمه خصمٍ وقاضـي
والحقيقـه لـو رجعـنـا للبـدايـه=أنت ابوهـا سمّهـا دون أعتراضـي
مع تحيات أخوكم الشاعـــــــر :
حسن بن محمد آل بطحيه