أحتفالات العيد

[هاب الريح]

السلام عليكم
اولا هل تؤيد احتفالات العيد ام لا ؟
واذا كانت الاجابة بنعم فهل تؤيدها بشكل الحالي ام ترا ان هناك نواقص لابد من مراعاتها ؟

[نجم سهيل]

مسائك ورد
اي احتفالات اخوي هاب الريح..... اقصد باي مكان

[هاب الريح]

نجم انت في السليل ولا لا ؟ لازم تعلمني

[نجم سهيل]

هلا..... هاب الريح
بالسليل
وعيدك مبارك
بس مافهمت قصدك ....قصدك المخيم حق التصوير والترزز
ياخوك والله ماهو مظاهر ذا تمثيل المظاهر الا اذا تغير هاالسنه

لك حبي ومن العايدين انت والاسرة والاهل كلهم

[هاب الريح]

هلا وغلا ابو سهل عسى في هالسنه تتغير امور كثير ه الى الاحسن

[نجم سهيل]

معليش انا لزقة تحملني شوي............ اخوي هاب الريح

تدري البرنامج كل سنه وشهو اقولك:
مخيم+ شوية كراسي + العصر عرضه للتصوير+ بعده خمس دقايق لتصوير السامري اذا مافية ملاقيف يخربون التصوير+ بعده عشاء + بعده مع السلامه وزين اذا شالو عرضه حتى الساعه 12 هل هذه مظاهر لاتزعل انا ودي اجي وتفرج وشوف والعب واتهشم بعد لاكن؟؟
ليش مايحطون برنامج مثلاً فيه جاليات كثيرة تبي تشارك والله اقولك تبي تشارك بس مااحد قال لهم شي ولا وجهو لهم الدعوه
وبعد... ليش ماتستمر الرقصات والعرضه والسامري الى الساعه 2 او 3 لمدة اقل شي يومين

تدري كم المخصص للمظاهر من امارة الرياض عشرون الف ريال وين تروح احسب معي:

قل فرق 5000 الاف عشاء بذمتك كم قووول5000 الاف الباقي وين طبعاً المخيم من البلدية والعمال كذلك
نسيت التصوير الفين ريال للمصورين تابعين لتلفزيون

حبيت اوضح بعد احساسي بان بالك راح بعيد وتسئل من انا في خاطرك انا مثلك من ابناء المنطقة بس العيب فيني اكره اقول انا من ال فلان وال ال علان انا مواطن بسيط ونا ماااااااااااااااااااااااااااعترف بالقبلية ولا العنصرية والا التفرقة باي شكل.

بعدين تراك ذبحتني بمواضيعك ماعاد الحق عليها شوي شوي هههههههههههههههههههههههههههههه

لك حبي ياهاب الريح وابي اشوفك بالسيف وعسى ايامك كلها اعياد

[هاب الريح]

هلا نجم وغلا من غلاتك نزود عليك ولا لو منت غالي ما دورناك
وودي اصحح لك المعلومة حقت الميزانية المخصصة للاحتفال هي 50000 خمسون الف عدا ونقدا وكلها سرق في سرق بين الاول والاخير والله المستعان وهاتي يا دولة ولا لعنبو ابليسهم الساعة 9 ماعاد فيه احد ياناس والله غبينه

[نجم سهيل]

اش رايك ياهاب الريح طلع كلامي صحيح
الليله انتهى الحفل الساعه كم بذمتك وتدري وش صار على شان التصوير تدري المصور مشغل الفلاش بس ولايصور شفت المهزله اللي صارت بعد المغرب من الترزز واللي في النص من شفت اعيان البلد شفت اللي من اعيان البلد وهو يترزز قدام الكاميرا على طول وماترك المصورين ياخذون مقطع بسيط للمحافظ شفت التخلف والهمجيه من الشباب للاسف يوووووووووووووووووووووووووه فتحت باب يا هاب الريح.
بعد ليتك تدري وشصار في مصلى العيد الكبير من الكلام البذيئ من اعيان البلد والتسابق للجلوس خلف الامام وهذي عادة سنوية بس اليوم لاعاد رئيس مركز يووووووووووووووووووووه

عطني رايك بعدين انت وين كنت جالس بصراحه

[الاستاذ مبارك الفاضل]

تابعت وصفكم شخصيا للحفل
من اول حفل قبل 9 سنوات او ثمان ماحضرت الا مرة واحدة كان عندي ضيوف من اعلاميين من الرياض في طريقهم الى الجنوب وطلبوا يشوفوا الحفل واخذتهم 10 دقائق فقط 0 حتى التغطيه يتولاها الزميل سعيد ال عيد
الحفل غير مقتنع انه به شخصيا لما يحدث فيه من تجاوزات قد اعرضها وقت اخر

[نجم سهيل]

يامرحبا مليون..... بالرمز مو للمنتدى بس لاوالله للرجل (((الفااااااااااااهم والمتواضع وهذا الاهم))) واللي هدفه البلد وليس انا ابن فلان وال فلان اقسم بالله هذي مصيبت السليل واهلها
وللاسف اليوم شفت زيادة تخلف رغم التطور اللي صاير مو بالعالم لا بالسعودية خل العالم بعيد اليوم شي عجيييييييييييييييييييب مختلف عن الاول اليوم بزيادة في المصلى الكبير والحفل

ويا رمزنا هم الخاسرون والله بابتعادك وامثالك اللي همهم البلد وبس
عيدك مبارك