الصـــــــــــــــــــوت؟؟

[راعي الابل]

الصــــــــوت





ياهمـوم(ن) كلمـا تـارد علّيـه
تنهش الخفـاق حمّـال الأسايـا
كل هم(ن) لاعوى جاوب خويـه
ثم لجت باالصدى حدب الحنايـا
صابر(ن) مابين ذيك وبيـن ذيّـه
ولاشكيت لغيـر عـلام الخفايـا
ضاحك(ن)للناس وجروحىنديـه
خوف من شامت يحسّب لىخطايا
أن درى بحالي على مثلي رزيـه
راحت علومي على كل الروايـا
لاجل هذا صابر(ن) لارحم حيـه
لو يشوف الموت مايلحق مدايـا
أتفادى طعـون عّـذال الخطيـه
وأتحمل جـرح وضّـاح الثنايـا
سالم(ن) راسي ولو ورد المنيـه
مايسمّعهم عقب هـدري رغايـا
عزتـي مبـداي والدنيـا دنيـه
لعنبو روح(ن) تنفّـس باالرجايـا
وكان ضاقت ذا الفجوج الجرهديه
دون راس المال زعزعت الحمايا
بجدهـا الاول نخيـت الزايديـه
سيفىالصاطي ودرعىمن ورايـا
منهم حزامـه بضيقـه وآهنيـه
تصغر بعينـه كبيـرات البلايـا
وخل شين الوقت لو يخلف نويـه
يعتدل لاجـو مضيفيـن المنايـا
ولاحسبت حساب من كل البريـه
دام فيها دوسـري يسمـع ندايـا




وسلااااااااامتكم



الصــــــــــدى







يا رفيقي لك سلام ولـك تحّيِـه "
" والسلام يسابق عـذوب التحايـا
مّد لِي يمّنـاك وبـا أمّدالشليـه "
" مصافح اللِي مثّلكم غايـه منايـا
شوقنّي بيوت شّعـرك سامريّـه "
" جات تجمـح كنّهـا أبـلً هدايـا
جات وفي محّانيهاهمـومً طريّـه "
" من رفيق مولّع بحـب الصّبايـا
كاتمً سّره مـن أذنـاب الرديّـه "
" ناقليِن القّيِل فـي كـل الزوايـا
صاحبي يا صاحبي شّـر البليّـه "
" ضحّكت العذال بهـروج القفايـا
زاهمّي يا زاهم أربّـوع الحميّـه "
" لآد زايد عزوتـي نعـم العزايـا
مّسرجين الصّعب مخلينه مطيّـه "
" رؤس قومً من شلايفهُم ضحايـا
هم هل الطالات واهل المقدريّـه "
" كم كبود(ن) من فعايلهـم غلايـا
ياردون المـوت بّعـزومً قويّـه "
" ما يّثني عّزمهم حـوض المنايـا
زايّديه . . زايّديـه . . زايّديـه "
" كلمه(ن)لاقلتهـا تـروي ضمايـا
وكان ضاقت بك لياليً سّرمديّـه "
" وماعرفت الطيب من خبث النوايا
خذ نصيحه واعتبرها لك هديّـه "
" لا تخلي طاعه أمجيـب الدعايـا
وسّر على ما قيل في سنه نبيّـه "
" وكّل ضيقه عقّبها تصبـح جلايـا
ذاجواباً للنـداء ومعّـه التحّيـه "
" من ضمير(ن) صافيً بقصا حشايا
,
,
,