من قصائد المرحوم طلال الرشيد

[ابن قيدان]

يابن الحلال ان طعتني خل الاسراف

واترك جمال الغيد لاهـل البصيـره

الزين موبس في الملامح والاوصاف

الزين روح وعفـه وطيـب سيـره

مانيب من يهوى سريـا وانصـاف

انا هـواي وبـس بنـت الجزيـره

بنت الخليج اللي تمـاري بالاعـراف

وحنا نمـاري باسمهـا كـل ديـره

مالي غرام بقـول وخـا وبالـزاف

اذبحتني عنـد الطرحـه المستديـره

احب قولة ياهـلا وعـل وماخـلاف

من بنت ثوبي بنت الارض النضيره

اللي تحلاها الظبي حلـو الاطـراف

جمـال فـي عفـه ورقـه وغيـره

واللي بها سحر مهو سحـر عـراف

ياعـل عيـن ماتراهـا ضـريـره

عطف وحنان وذوق في لين الاعطاف

والى كشفـت لثامهـا شفـت أميـره

صعب علـى اللـي بالـردي شـاف

ماعافوحلوه على اللي سنه الله ضميره

شمس الى من اشرقت والدجا طـاف

غابت نجومك غصب لو هي كثيـره

السيف مايزهى سوى كـف سيـاف

والخيـل دون حصانهـا مستخيـره

بس أنت دورلك على قـدك لحـاف

وان طعتنـي دور بدلنـا عشـيـره