النايــف
09/04/2005, 00:02
بسم الله الرحمن الرحيم
هذه القصيدة بمناسبة عودة سمو سيدي صاحب السمو الملكي الأمير / سلطان بن عبدالعزيز وزير الدفاع والطيران والمفتش العام من خارج المملكة .
وكذلك بمناسبة الأحداث الدامية التي حدثت مؤخراً في الرس
تنادي الرس وتلبي سكاكا الجوف مع نجران
سلام الله سلام الله يا مير حط له عنوان = عناوين الزعامة والشرف هي من عناوينه
هلا بك مرحبا واهلا هلا يا سيدي سلطان = عدد ما ناحت الورقا وغنت في بساتينه
وعدد ما لاح براق وعدد ما اهتزت الاغصان = بكم يا عز نجد ويا عما منهم معادينه
وزير للدفاع وحامي حده من العدوان = بطيارة ودبابة وجند في ميادينه
ابو خالد سندنا هو ذرانا لاحتما الميدان = سند من لا سند له يوم شان الوقت وسنينه
يكف الدمع من عين اليتيم اليا بكى زعلان = فقد امه وابوه واللي ربوه وجفت معينه
شبيه الغيث لا من هل مطر والمطر ودان = الا من حل بارض قاع زانت به رياحينه
خذا منه القمر نوره يشع النور لا من بان = وشبيه الجدي وسهيل اليماني من نياشينه
رحل عبدالعزيز الفيصلي الباني الربان = عسى الله يرحمه وسعود عقبه ربي معينه
تعلى واعتلى عرشه شبيه الحر يوم بان = ونور الشمس من نوره ذرا شعبه وتمكينه
حكم بالشرع شرع الله والاحمي الوطيس يبان = اله صولات وله جولات لاهتزت ميادينه
على شعبه عطوف وللعدو مقلط شامان = الا منه ظرب يفرق قرين من محبينه
وعقب سعود فيصل حاكم ويكمل البنيان = مشى اللي قد مشاه سعود وهم للضد واطينه
حكيم وحاكم عادل على شعبه ظفا واحسان = بعد ربي يغيث الهايم المنكوب ويعينه
وبعد ما غاب نجم الجدي جاك سهيل حر بان = تعلى واعتلى خالد عمى من جاو طمعينه
عطينا العهد فهد المجد عز الدار والجيران = الا نشفت أرياق الغير ماختلت موازينه
يعدلها برايه لاحتمى البارود والدخان = اليا ثور عجاج الحرب ثم ثارت براكينه
خدم مكة وطيبة والجزاء من ربنا الرحمن = وشبر من بلادي قال ما نرظى له مهينه
يزيح طويق ما ينزاح عبدالله ولا ينهان = ابو متعب ذرانا لاشهب البارود واسنينه
اليا طقت طبول الحرب وذل الاش والرديان = يفرق جمع قوم جاونا للدار هاوينه
ولي العهد عضد الفهد قاد المجد والفرسان = شجاع ما يهاب الموت والأسلام هو دينه
وتسلم يا سمو اللي بحفظ الله حفظ الوطان = حماها واحتماها يوم شر الخلق مصخينه
حماها سيدي نايف بشرع الله مع شامان = على ارقاب المعادي والوطن بالدين حامينه
ولا ننسى طويل العمر أمير العاصمة سلمان = الا من صار بالدنيا ظلام وحرب ناصينه
ذرانا من لهوب القيض لا ما اصطكت الجيلان = وحنا في يمينه ما نهاب الموت وشارينه
قسم بالله يآل سعود ما نملك بدون ثمان = لوامركم ترا يا قادة التوحيد مهدينه
وقسم بالله ما نرظى بدلكم كاين ما كان = مادام الروح حيه والجسد والرجل قاوينه
يمين الشرع بن عامر يكررها ثلاث أيمان = لوامر قادتي حنا وما نملك مطيعينه
ترا يا زمرة التخريب والأرهاب ما تنهان = بلاد ظلها آل سعود وعقب الرب حامينه
أنا بنشد هل التدمير وشهو ذنبها وجدان = ووش ذنب اليتاما اللي دموع الحزن مرهينه
لكم عار على الدنيا ونار الآخرة تزدان = بكم يا شر خلق الله وحر النار صالينه
وسلام الله سلام الله على الأبطال والشجعان = جنود ما تهاب الموت والشر زاد منهينه
أجنود المن وأرجال الشجاعة لبسها التيجان = ةتيجان الفخر والعز ثوب العز مظفينه
تنادي الرس وتلبي سكاكا الجوف مع نجران = وشرقية وغربية وليل الحرب سارينه
وصلاة الله على محمد عدد من طاف بالأركان = وعدد من طب بيت الله ولبى له ملبينه
هذه القصيدة بمناسبة عودة سمو سيدي صاحب السمو الملكي الأمير / سلطان بن عبدالعزيز وزير الدفاع والطيران والمفتش العام من خارج المملكة .
وكذلك بمناسبة الأحداث الدامية التي حدثت مؤخراً في الرس
تنادي الرس وتلبي سكاكا الجوف مع نجران
سلام الله سلام الله يا مير حط له عنوان = عناوين الزعامة والشرف هي من عناوينه
هلا بك مرحبا واهلا هلا يا سيدي سلطان = عدد ما ناحت الورقا وغنت في بساتينه
وعدد ما لاح براق وعدد ما اهتزت الاغصان = بكم يا عز نجد ويا عما منهم معادينه
وزير للدفاع وحامي حده من العدوان = بطيارة ودبابة وجند في ميادينه
ابو خالد سندنا هو ذرانا لاحتما الميدان = سند من لا سند له يوم شان الوقت وسنينه
يكف الدمع من عين اليتيم اليا بكى زعلان = فقد امه وابوه واللي ربوه وجفت معينه
شبيه الغيث لا من هل مطر والمطر ودان = الا من حل بارض قاع زانت به رياحينه
خذا منه القمر نوره يشع النور لا من بان = وشبيه الجدي وسهيل اليماني من نياشينه
رحل عبدالعزيز الفيصلي الباني الربان = عسى الله يرحمه وسعود عقبه ربي معينه
تعلى واعتلى عرشه شبيه الحر يوم بان = ونور الشمس من نوره ذرا شعبه وتمكينه
حكم بالشرع شرع الله والاحمي الوطيس يبان = اله صولات وله جولات لاهتزت ميادينه
على شعبه عطوف وللعدو مقلط شامان = الا منه ظرب يفرق قرين من محبينه
وعقب سعود فيصل حاكم ويكمل البنيان = مشى اللي قد مشاه سعود وهم للضد واطينه
حكيم وحاكم عادل على شعبه ظفا واحسان = بعد ربي يغيث الهايم المنكوب ويعينه
وبعد ما غاب نجم الجدي جاك سهيل حر بان = تعلى واعتلى خالد عمى من جاو طمعينه
عطينا العهد فهد المجد عز الدار والجيران = الا نشفت أرياق الغير ماختلت موازينه
يعدلها برايه لاحتمى البارود والدخان = اليا ثور عجاج الحرب ثم ثارت براكينه
خدم مكة وطيبة والجزاء من ربنا الرحمن = وشبر من بلادي قال ما نرظى له مهينه
يزيح طويق ما ينزاح عبدالله ولا ينهان = ابو متعب ذرانا لاشهب البارود واسنينه
اليا طقت طبول الحرب وذل الاش والرديان = يفرق جمع قوم جاونا للدار هاوينه
ولي العهد عضد الفهد قاد المجد والفرسان = شجاع ما يهاب الموت والأسلام هو دينه
وتسلم يا سمو اللي بحفظ الله حفظ الوطان = حماها واحتماها يوم شر الخلق مصخينه
حماها سيدي نايف بشرع الله مع شامان = على ارقاب المعادي والوطن بالدين حامينه
ولا ننسى طويل العمر أمير العاصمة سلمان = الا من صار بالدنيا ظلام وحرب ناصينه
ذرانا من لهوب القيض لا ما اصطكت الجيلان = وحنا في يمينه ما نهاب الموت وشارينه
قسم بالله يآل سعود ما نملك بدون ثمان = لوامركم ترا يا قادة التوحيد مهدينه
وقسم بالله ما نرظى بدلكم كاين ما كان = مادام الروح حيه والجسد والرجل قاوينه
يمين الشرع بن عامر يكررها ثلاث أيمان = لوامر قادتي حنا وما نملك مطيعينه
ترا يا زمرة التخريب والأرهاب ما تنهان = بلاد ظلها آل سعود وعقب الرب حامينه
أنا بنشد هل التدمير وشهو ذنبها وجدان = ووش ذنب اليتاما اللي دموع الحزن مرهينه
لكم عار على الدنيا ونار الآخرة تزدان = بكم يا شر خلق الله وحر النار صالينه
وسلام الله سلام الله على الأبطال والشجعان = جنود ما تهاب الموت والشر زاد منهينه
أجنود المن وأرجال الشجاعة لبسها التيجان = ةتيجان الفخر والعز ثوب العز مظفينه
تنادي الرس وتلبي سكاكا الجوف مع نجران = وشرقية وغربية وليل الحرب سارينه
وصلاة الله على محمد عدد من طاف بالأركان = وعدد من طب بيت الله ولبى له ملبينه