عربين السلايل ... الدواسر كاسبين الطايله

[بن دهيم]

السلام عليكم ورحمة الله وبركاته


هذه قصيده للشاعر فارس عفاس بن دهيم الغييثات

قصيده من جديده





عريبين السلايل
-
-
قال من يلعب جزيلات المثايل=قول محد ٍ قبل قوله قايله
-
وقتي اللي لاعدلته صار مايل=اعدل ايامه وترجع مايله
-
ياكثر ماشفت من وقتي هوايل=يكفي وراني نجوم القايله
-
الزمن ما يحشم اعيال الحمايل=حيلته حيله وانا بحايله
-
والله اني من عربين السلايل=الدواسر كاسبين الطايله
-
لابة ٍ معروفة ٍ بين القبايل=مثل برق ٍ لاح في مخايله
-
ايه حنا اهل الكرم واهل الجمايل=فعلنا تجمّله جمايله
-
عزوة ٍ لفعالنا دلت دلايل=يوم كل ٍ يفخر ابفعايله
-
من زبّنا مالقا غير الصمايل=والله ان ينزاح هم ٍ شايله
-
معتلين العز .. من طايل الطايل=كل منّا تنذكر صمايله
-
فعلنا معروف من فوق الاصايل=في نهار ٍ تسطفك هوايله
-
لعيال زايد وال بني تغلب فعايل=لو يزول الوقت ماهي زايله
-

-
الشاعر
فارس عفاس بن دهيم الغييثات

[نواف قطـــر]

بيض الله وجهك بن دهيم علي القصيده الجزله وصح السانك والسان الشاااااااعر

ويسعدناااااا وجودك في المنتدي

[الباسل]

بيض الله وجهك وصح لسانك ولسان الشاعر

يابن دهيم

[العماني]

صح لسانك يا بوعفاس على ذي القصيدة الطيبه ومنور المنتدى

تقبل تحياتي،،

[ابورجب]

لاهنت يابن دهيم على القصيده وشرفت المنتدى

[شوق العيون]

فارس عفاس

اللقاء الثاني معك .. في نفس المنتدى ..

شاعِر الكلِمة الاصيلة .. والمعنى .. الراقي ..

كما تعرف شهادتي فيك مجروحة ..

ووجودك .. في ربوع " السليل " هو فخر كبير للجميع ..

أهلا ً مليون .. وصح لسانك على تِلك الجميله

وبإنتظار .. غيثك القادم من .. المزن ..الراقي .. من القطوف الشعرية .. الفاخِرة ..

" شوق "