ان اقبلت تنبت على دربها ازهار!...وان اقفت الاشواك تنبت بااثرها!

[خالد الدوسري]

اضغط هنا للاستماع للقصيدة بصوت (http://www.alnadawi.com/poems/nadawi.php?division=poem&action=view&id=2769)


ماكنت اصدق للهوى تهلك ديار=الين شفت اللي ذبحني خصرها
مدري خصر.ولا غصن بين الاشجار؟=احترت في "بنت المطر" ويش امرها؟
كل الغصون اللينة منّها تغار=لامن تثنت كف قلبي شبرها
تقبل على ريق الالم مثل الامطار=وتقفي ودمعي كثر زخة مطرها
وتضحك ويجهر ناظري كثر الانوار=سود الليالي تختفي في ثغرها
شلالها طفى بخفاقي النار=على الصدر لا صبت اسود شعرها
اجمل بنات الكون لاجيت بختار=الما يبين لا سرى في نحرها
لو للغرام شعار كانت له شعار=ولو للسنين اشجار كانت ثمرها
ماتنكتب في مثلها جزل الاشعار=لاصار هي اصل الحروف وبحرها
بنت المطر لو دونها جيش جرار=جيش(ن) جنوده هالقلم ماحصرها
والله لاارد الريق لو صار ماصار=مادام هي نبع الحياة ونهرها
ياهل الهوى وان بيحت كل الاسرار=اعظم عشق عشته في همسة نظرها
ان اقبلت تنبت على دربها ازهار!=وان اقفت الاشواك تنبت بااثرها!

غريب الروح

[شوق العيون]

والله لاارد الريق لو صـار ماصـار =مـادام هـي نبـع الحيـاة ونهرهـا
ياهل الهوى وان بيحت كل الاسـرار=اعظم عشق عشته في همسة نظرهـا

الله الله ..

قصيدة ..في منتهى الجمال.. وعذوبه في الوصف ..

صح لسانك يالشاعر.. ودائماً قصائدك.. ذات طابع خاص وجميل..

اختك:شوق

[سراق القلوب]

شلالهـا طفـى بخفـاقـي الـنـار على الصدر لا صبت اسـود شعرهـا
اجمل بنات الكـون لاجيـت بختـار المـا يبيـن لا سـرى فـي نحرهــــــــا




يا سلالالالام عليك يا أخي الكريم خالد الدوسري

أبيات رائعة استحقت القراءة والرد ..

قصيدة تحمل في طياتها الشي الكثير

صح لسانك ولالالالاهنت

وأشكرك من القلب على هذه الابداع..

راجيا ً لك التوفيق في المجال الشعري

وفقك الله

أخوك سراق القلوب .....@@

[خالد الدوسري]

ارررررحبي ياشوق

...الجمال الحقيقي كامن في نبضك الروووعه

...دمتي بخير...غريب الروح

[خالد الدوسري]

ارررررررررحب يا من سرق قلب حروفي بروعة شعوره المتالق

..تواجدك شرف كبير ايها الرائع

لك عاطر الود

مغليك خالد