قصيدة مسموعة لضيدان بن قضعان (حنا البدو)

[أبو محمد الودعاني]

قصيدة مسموعة لضيدان بن قضعان



يلي على وجهي قريتي كل صفحات الشقى=اقري وانا بكتب قصيده واشعل الساحه حريق
باقي كثير ماراح اللي راح نصف اللي بقي=وانا ماوصلت لغايتي بموت في نصف الطريق
يابنت يوم امطر غلاك بقلب ضيدان وسقى=تدرين وش سبة شقاه وسبة الجرح العميق
شقاه من يمناه واسم الشيخ والنفس امحقى=والجرح منك يااعذب والعذبات يالموت الرقيق
يابنت مادام البدو تخلف هقاوي من هقى=وانا بدوي متني يشيل من الزمن مالا يطيق
ابفخر حنا بدو نعشق على وضح النقا=حنا بدو فينا الولد للقمه العليا عشيق
حنا بدو فينا الولد لو شاف موته ماتقى=حنا بدو فينا الولد يرقى ولو ماله رفيق
حنا بدو فينا الولد لامن رقا .. رقا .. رقا=الين يوصل غايته لو كان في قمة طويق
يابنت جيتك والثمن عمري ابي ليلة لقا=يما كذا ولا بلاش من الصداقه والصديق
وساعة تبسمتي وشفت الجمر والثلج اصدقاء=قلت اشهد ان الموت حق وصحت لك صيحة غريق
واعتقت دمعي والزعل والحزن لرضاك اعتقا=واغفت عيوني في عيونك ياعساها ماتفيق
وآمنت باللي سخرك تقرين صفحات الشقا=واشعلت بردي في دفاك وشبت الساحه حريق




ضيدان بن قضعان


http://www.movn.net/thedan_bn_qth3an/7na_bdoo.ram

[بدولوجيا]

(( حنا بـدو فينـا الولـد للقمـه العليـا عشـيـق))
مبدأ الأصالة والفخر..

تحياتي للناقل .. والقائل ، على روعة القاف

[النتيفي]

ليتني شاعر
عنك ان الشاعر يقدر يعبر مافي بداخله