المساعد الشخصي الرقمي

مشاهدة النسخة كاملة : قصيده نا دره لشا عر سعد بن مبا رك ال شواي ال نا صر

الكايد
24/12/2004, 02:24
تعرف الطيب ناس وتجهل الطيب ناس@@@والبلا في جميل عند جاحد جميل

يثني الباس ريح ويثني الريح باس@@@@والبليهي الى ثقلت حموله يشيل

قلب داس الضروف وقلب منها يداس@@@عقب اللي لياجات الصمايل يميل

يقهر الباس عزم ويقهر العزم باس@@@@وياصل الحيل نعم ويقصر النعم حيل

المضاهرتشابه والجواهر قياس@@@@ والمسافه لياطالت يبين الحصيل

الليالي تحكحك للذهب والنحاس@@@ والشدايدتجارب والمواقف دليل

كل رجل وفعل يمناه والطيب ساس@@@للشهامه كريم وللملامه بخيل

وللمراجل بتوع وللبتاعه حماس@@@@وللعوافي عميل وللوازم عميل

وللمواجيب قرم وللكرامه حواس@@@ وللطنايا سبيل وللهفايا سبيل

وللمساري ذيابه ماتعرف العماس@@@وللهقاوي رجال وللمضامي صميل

والردي شجرة" دايم ورقها يباس@@@تذبل غصونها لوهي علا جال سيل

تفرق العاديات وفالملاقا تقاس@@@مايروح المهجن كان لز الاصيل

للمداخيل اساس وللمخاريج اساس@@@وللمعافا نهار وللمجاريح ليل

لا غاشا جفن مرتاح الطواري نعاس@@@ناقل الهم لاجاالليل جاله ميل

شخصن ستره لباس وشخص يستر لباس@@@وجالن يعنز وجالن هيال هزيل

يحني الراس ذل ويحني الذل راس@@@@وجاه وجه قصير وجاه وجه طويل

تفعل الطيب ناس وتنكر الطيب ناس@@@ولا يرد الجميل الازبون الجميل


سعد الودعاني
راعي الابل
27/12/2004, 15:40
يعطيك العافيه يالكايد وصح لسانك ولسان قايلها
السهم الملتهب
29/12/2004, 13:18
يعطيك العافية يالكايد وما قصرت
ريم_14
18/01/2005, 13:24
صح السانك ومشكور على هالقصيده الروعه والله يعطيك العافيه
المهلهل
23/01/2005, 00:41
القصيده جزله واضحه المعاني تسلموووووووووووووووووووووووووووووووووون
معانق سراب
02/02/2005, 18:49
لاااااا هنت ولا هان ابو مبارك