سوال للغياثات

[ابو زيد الغييثي]

ااااااااااااااااااا

[العماني]

جعلـك فـداً للركايـب يـا دعاكـانـي=بـــلاّ ثـمــانٍ وداعٍ مـــن صحـايـبـنـا
لحقوا على طالبٍ خيـلٍ وصبياني=يدعون بالمنع طمعـوا فـي ركايبنا
ومسعود يويق علينا مثل سرحاني=وده بـنــا مــيــر عــدنّــه مخالبنا
مريةٍ في اللقا والضيق شجعاني=والكل منهم قريبٍ ما يباعدنا
نعمٍ بإبن مسندٍ هو وابن غدفانـي=يوم أشهب الملح والبارود حاطبنا
والمـدح كلـه لخـو هـيـا وردعاني=هم محمل الهوش لاقلت عجايبنا
ونعم ٍ بشمروخٍ فك البكرة الواني=لعيـون مـن هـو تنـبـا مــن قرايبنا
وطمرة لي طمرةٍٍ تنسمبها الواني=في مكظم الريع يوم البر ضاق ابنا
وضربت صفرا تنومس كل ديقاني=وطاحت بشيخٍ كان كاربنا
حــنــا( الغـيـيـثـات) مــنــا بــذلانـــي=وفقينٍ رفقينٍ مـا تخطـي ضرايبنااسمــائهم :

1_ سهيل إبن عويفي (( عقيدهم))
2_ سعد إبن شفيا المناديع
3_شمروخ إبن عويفي
4_ حسين الدجران
5_ جعيلان المنداع (( اخو هيا ))
6_ سعد إبن غدفان
7_ قبلان بن ماجد
8_ ردعان إبن خليفه المناديع



حياك الله يا ابوزيد

شمروخ شهد الهية وشاربه لم يخط وهذا دليل انه كان صغير بالسن.

أما بخصوص اخو هيا فاللي اعرفه انه جعيلان المنداع وهو فارس لا يشق له غبار حتى شهد له الأمير سعود الكبير ، في مجلسه في مكه ايام الحج بحضور جمع كبير من رجال القبايل حيث ذكر سالفته يوم أغار سعود الكبير ومن معه من العرافا (من آل سعود) ومعه كثير من الفرسان وآغاروا على ابل جعيلان وهو وحيد عندها ، فردهم جميع.

وسالفته ان سعود الكبير وابن عمه سلمان كانوا في المجلس وجاهم واحد وخبرهم انهم وزعوا بنادق على عدد من القبايل ثم ذكر الرجال انهم اعطوا الغييثات خمسين بلجيك.

عندها قال سعود الكبير متعجباً:
خمسين بلجيك للغييثاااات!!! خمسين بندق لغييثات!!!
ثم اكمل:
والله لو معي خمسين صبي من الغييثات على خمسين بلجيك والله ان انطح بهم ((جو)) وقلبي آمن.
ثم التفت الى اخوه سلمان العرافا:
سلمان ما تذكر ويش سوى فينا جعيلان ، ردنا كلبونا وهو لحاله!!! كل ما ضرب له فرس لينها تكد.

فشهد سلمان واثناء على فروسية جعيلان خاصه والغييثات عامه.


هذا والله اعلى واعلم وتقبل تحياتي،،،

[ابو زيد الغييثي]

لاهنت يالعماني

[السهم الملتهب]

ونعم بالغييثات

علم فوق راسه نار

[السهم الملتهب]

وش الديار اللي يتواجد فيها الغييثات بكثرة غير الخرفة بالافلاج؟

[العماني]

يتواجد الغييثات من الخرج جنوبا الى الجوب والعرمه شملا ومن المنسونيه شرقا وحتى الدغم غربا، ولهم هجرة الوسيطاء في الخرج واميرها ابن وقيان

كما يتواجدون في الاحساء و خريص وضواحيها ، ولهم هجرة ((الخليفية)) عند وادي على العجمان على الخط السريع ، كما ان لهم منطقة في وادي الدواسر ، ولاتزال محفوظه لهم ولهم بها هجرة .

هذا والله اعلى واعلم

وتقبل تحياتي،،،،

[السهم الملتهب]

ما قصرت يالعماني كفيت ووفيت

تحياتي

[بنت الكواسر]

يسلموووو العماني...

اللحين ليش البعض يقول الغياثات؟؟

هم الغييثات ولا الغياثات؟؟

او كلهم واحد؟؟؟؟



[line]

[النايف]

هلابك بنت الكواسر والله صارت مشكله نعاني منها خاصة عند الدوائر الحكوميه. اولا هي ماخوذه من غياث واعتقد ان الغييثي والغييثات هي الاسلم في ضني وهالحين تلقاء واحد كاتب الغييثي والغيثي والغييثات والغياثات لازم يصير فيه حل ........خاصة من اهل النحوووووووو وجمع غياث اعتقد انه غييثات والله اعلمممممم.

ونا من لا بة تاطا الخطر وتسنع المنجــــــــــــــــــــــوم
---------------------------------- مزبنت الجلاوي مرخصين الروح لبن حــــــــــــــــــــــزام
نصانا من حداه الخوف يومن الشريف يعــــــــــــــــــوم
---------------------------------- وقيل ازبن ونا ابن غياث حنا للعدا كعـــــــــــــــــــــــام
وقدينا السلوم الطيبة بمصقل وشغمــــــــــــــــــــــــوم
---------------------------------- ولنا فالجار وقفات وصملا ت وضرب حســــــــــــــــــــام
ولا قد خاب منهي لابته دوسر تهز الــــــــــــــــــــــروم
---------------------------------- تداوي من عمي بمصقلات ضربها جـــــــــــــــــــــــــــزام

[كومار]

اشكركم على المواضيع الشيقة واتمنى المزيد من القصص التراثية

[هداف]

لاتعودوا بنا الى الوراء فتأخذكم العزة بالاثم ولا تكونوا أناس بكم جاهلية العرب الاولى تعرفعوا بالعلم والايمان وتركو منكم كان أبي كان جدي
ليس الفتى من قال كان أبي أنما الفتى من قال ها أنا

[محمد آل نصار]

لاتعودوا بنا الى الوراء فتأخذكم العزة بالاثم ولا تكونوا أناس بكم جاهلية العرب الاولى تعرفعوا بالعلم والايمان وتركو منكم كان أبي كان جدي
ليس الفتى من قال كان أبي أنما الفتى من قال ها أنا


جزاك الله الخير على ردك وللعلم فلم يذكر احد من الاعضاء الذين شاركوا سابقاً انهم ابناء او احفاد اصحاب القصيده ولم يقول احد منهم كان ابي او كان جدي بالعكس كان هناك قصه وقصيده والردود عاديه .

ولو كان هناك مواجه او ما شابه ذلك فالجميع فيهم الخير والبركه ولن يقولون كان ابي او جدي بل سيقولون كلا منهم : ها أنا .

[محمد آل نصار]

يسلموووو العماني...

اللحين ليش البعض يقول الغياثات؟؟

هم الغييثات ولا الغياثات؟؟

او كلهم واحد؟؟؟؟



[line]

اسمنا للفرد الواحد (((((( غييثي))))))) والجمع غييثات)))))))))))))))))))))))))))))))))))))))))))) )))))))))))))))))))))))))))))))))))))))))))))))))) )))))))))))))))))).

[عذب المشاعر]

مشكورين على ماقمتم به ولكن لي بعض الملاحظات ..

بالنسبة لاسماء الفرسان :

سهيل بن عويفي عقيدهم ( آل نصار )

سعد بن شفيا ( المناديع )

شمروخ بن عويفي ( آل نصار )

حسين الدجران ( المناديع )

جعيلان المنداع ( اخو هيا المناديع )

سعد بن غدفان ( آل عمر بكسر العين )

قبلان بن ماجد ( بسأل ابوي وبعلمكم )

ردعان بن خليفه ( آل سلمه ونسبت هجرة الخليفية أو هجرة آل خليفة نسبة إلى جده وتقع هجرتهم

على طريق الرياض .. الدمام السريع )

وبالنسبة لسؤال الغالية بنت الكواسر .. الغييثات والغياثات كلاها معناها واحد وهناك فخذ من آل مرة يقال لهم

غياثين وهم غييثات من الدواسر وفيه فخذ من شمر يقالهم غيثي وقالوا انهم مهوب غييثات الدواسر عاد بكيفهم

مايبون يصيرون دواسر محدن بغاصبهم . وفيه الغيثي من اليمن يقولون انهم من غييثات الدواسر وان جدنا

يالغييثات بشر مازال قبره موجود عندهم وانا سألت ابوي وأكد لي هالشي ان فيه غييثات باليمن ( الله يبارك

في ذا الفارة اللي قامت تنبش في السد لين خربته وهاجرنا من سدنا وشفنا الدنيا ولا كان الحين لابسين هالوزرة

وانتسدح نخزن من القات خخخخخخخخخ )

وبخصوص رد هداف .. أقول لأخي الغالي محمد آل نصار مشكور كفيت ووفيت يالقرم .

معذرةً على التطفل .



عذب

[محمد آل نصار]

السلام عليكم ورحمة الله وبركاته:ـ

لم استطع رؤية المشاركه الأولى لصاحب المشاركه ابو زيد الغييثي.
فهل لديكم حل ، وهناك تعديل لسم لعقيد من عقدا الغييثات فأسمه سهل وسمي عليه قريباً سهل ومسمى على ابو جده مسند ابن سهل والذي اسمه سهل ابن عويفي آل نصار الغييثات.
آمل المساعده برؤية المشاركه ان توفرت ..
أو الصفحه الأولى للمشاركه، وهو نداء لمدير منتدى السليل.

[محمد آل نصار]

السلام عليكم ورحمة الله وبركاته

عذب المشاعر


لا فيه من قبيلة ال مره غياثين وهم من الغييثات الدواسر اضافتاً الى الغيثي الشمري ومن المؤكد ان هناك سبب لنزوحهم من جماعتهم وهي ان هناك ذبحة بين ابناء العمومه .

ومن لا يعترف في بني عمه وعامد// خسارة فيه قولك وقولي غييثي