موقف مضحك مر عليك في طفولتك

[بنت الديره]

السلام عليكم ورحمة الله وبركاته

الطريقه....
كل واحد يقول موقف محرج مر عليه أيام الطفولة سواء في المدرسة في البيت بين اصدقاءه , واسمحووووو لي ابدأ
اذكر لما كان عمري 6 سنوات جات جارتنا للبيت عندنا ولازم نضيفهااا وكانت خادمتنا مسافرة المهم ماطول عليكم قلت بساعد أمي في اعداد القهوة والشاهي ( اتفلسف ) وانا مااعرف كيف يسووون
القهوة استغليت غياب أمي ورحت حاااطه سكر في القهوة

ماكانت ملعقة
.
.
.
ولا ملعقتين
.
.
.ولا ثلاث
.
.
.
.
.
كــــــــــوب كامل

الله على الأحراج والفشلة قدام جارتناااا ، كل اللي في البيت عرفوا بالسالفة والكل ضحك علي
حمدت ربي انها كانت جارتنا مواحد ثاني , الله على ايام الطفولة كانت مليئة بالمغامرات المرحة
تحياتي

[اميرة الاحزان]

بسم الله الرحمن الرحيم
اليوم صار موقف محرج لرفيجتي بالمدرسة كان عندها بيبسي وكان مثلج جلست قرب بنت من نفس الصف (معاي في نفس الصف) المسكينة البنت ما تدري شنو بيصير فتحت البيبسي وفاااااااض على البنت على حجابها وقميصها راحت المسكينة الى المشرفي عطتها قميص واااااااااااااااااااسع وحجاب غريب شكله ما لبسته البنت وجلست في الحصص الاخيرة وحجابها كلللللله بيبسي .......


مع تحياتي

[نازع الود]

موضوع حلو وشيق يالله شباب

نبي ومواقف حلوة

بنت الديرة مشكوررررررررة


هذا تسجيل حظور ولي رجعه على الموضوع

[نازع الود]

هلا بنت الديرة وها انا كما وعدت رجعت للموضوع


راح اذكر موقف بس تفاصيله ما اذكرها بالدقه بس اهلي يذكروني فيها

كنت مع جدتي في الافلاج عند خوالي وكان وقتها اجازة الصيف بعد اولى ابتدائي

كان خالي يحبني اكثر من عياله لاني شر مقعد كما يقول ومن كثر الطق اللي يجيني صار يرحمني

المهم كان فيه عشاء عند واحد من الجماعه وكان النسوان يطبخون العشاء من عصر ومجتمعين

ولاني مع اهلي في الشرقيه وفي الاحساء بالتحديد كانو اذا حبوا النسوان يضحكون معي يقولون

يالحسااااااوي انا يجن جنوني اذا قالو الحساوي المهم فيه وحدة ولدها دب وانا جاي قالتلي

يالحساااوي وازعل واشوف ولدها جنبي ويضحك وادفه على القدر بس حمد الله كان القدر

ارفع منا شوي ويطح جنب القدر وتشلوط النار قشته وتقعد تصيح المرة وتسب واخر شي

قالت خلاص ما اقول لك الحساوي ولا تسوي شي في ولدي

والحين المرة الله يطول في عمرها تذكرها والولد الى اللحين يذكرني بها



مشكووورة بنت الديرة