شهادة شيخ قبيلة آل محيي اليامية بأن الدواسر هم من طيح مناصب دولة الأشراف

[فالي السيل]

شهادة شيخ قبيلة آل محيي اليامية بأن الدواسر هم من طيح مناصب دولة الأشراف
في قصيدة طويلة للشيخ علي بن سعيد بن بلال اليامي شيخ قبيلة آل محيي يمدح فيها عبد الله الفهاد الفصام المسعري، اخترت منها هالأبيات الشهاده على العنوان :






بني زايد اللي تنطح الضد فـي الميعـاد=دواسر تمكـن فـي عداهـا مضاربهـا
هل العرف واهل السيف والمنسف المعتاد=واهل جيرة ياسم عصا الجـار صاحبهـا
لهم هيبة أثقـل مـن العـارض المنقـاد=تحامت على ابن مطـرف يـوم لاذ بهـا
بغاه الشريف ولا حصل للشريف مـراد=برزلـه طحاطيـح تفـتـل شواربـهـا
تعلوا ظهور الخيل دون الدخيـل عمـاد=ولهم دولة الاشراف طاحـت مناصبهـا
هذا والقصيدة في عريب الجـدود تعـاد=من اقصى حقيقة كلمـة الحـق نكتبهـا
ابيها الى مـرت علـى واحـد حسـاد=يقنع بهـا نفـس الـردى لـو يغضبهـا
وابيها الى مـرت علـى واحـد حجـاد=يعـرف الثنـا ويـرد للنـاس واجبهـا
وابيها الى مرت علـى مجلـس النقـاد=يقولـون مـا فيهـا كــلام يعذربـهـا

[المسعري]

صح اللسان الشاعر واللسان ناقلها
ونعم في صبيان بني زايد ( قول وفعل )
والقصيدة رائعه ومشهورة ولا هنت أخوي فالي السيل على كتابتها .
واتنمى لك التوفيق .
وشكرا

[أبو محمد الودعاني]

صح لسان الشاعر والراوي
قصيدة رائعة

بغاه الشريف ولا حصل للشريـف مـراد=برزلـه طحاطيـح تفـتـل شواربـهـا

[ذو القلب الحنون]

الله لايهينك يافالي السيل والدواسر يستاهلون اكثر من كذا وعلومهم واجد


وننتظر منك المزيد

[نازع الود]

هل العرف واهل السيف والمنسف المعتاد=واهل جيرة ياسم عصا الجـار صاحبهـا
لهم هيبة أثقـل مـن العـارض المنقـاد=تحامت على ابن مطـرف يـوم لاذ بهـا




لاهنت يا فالي السيل
وصح لسان قايلها

اخوي اذا القصيده كامله عندك الله لا يهينك نزلها القصيده اكثر من رائعه
وتستاهل التوثيق والاطلاع عليها

[فهد ال نيف]

مساكم الله بالخير يالربع الله لايهينكم على ماكتبتوا من اجل هذه القبيله العريقه. اول شي يالربع انا بغيت اسالكم هل نزل شجرة جديده للدواسر وثاني شي بغيت اسالكم ليش الرواشده ماذكروا فيها وبغيت اسال عن عدم تعداد فروع قبيلة ال نيف وعدم ذكرها ان اهلها من سكان السليل مع ان منهم في السليل والوادي والخرج والرياض وقطر والشرقيه واكثرهم موجود في السليل والوادي ولهم شعار لم تذكر قصائدهم وهم من فحول الشعر هذي اول مشاركه لي واعذروني اذا طولت او زليت بكلمه والله لايهينكم على كل حال

[فهد ال نيف]

الله لايهينكم على ماكتبتوا عن هذي القبيله العريقه

[راعي الغربية]

ما أعرف ليه طايحين بالأشراف كذا إنه كره ببني هاشم وإبنا سيدنا علي بن أبي طالب فهذا يسمى بإفعال النواصب والخوارج إما إن كان تذكير بفضل وإن الإشراف إنتقصوها فهذا شيء ثاني وخاصة في حق جريس اليماني ، ثانيآ ماجتنا علوم إن اليامية وقفت مع الدواسر إلا من هذه القصيدة وخاصة من آل يحيى وشيخها المذكور كلنا نعرف إن يام من همدان من إيام الجاهلية علاقتها بقريش طيبة وخصوصآ مع بني هاشم ولهم صهارت قديمة ويكفى إن الإشراف حكموا اليمن قرابة 1000 سنة وإغلب مناصريهم همدان بفرعيها الإعظمين حاشد وبكيل وخولان وعلاقتهم توطدت بآل البيت - رضي الله عنهم - بوقوفهم مع سيدنا علي بن أبي طالب -رضي الله عنه- في أيام خلافته وقد وصفهم في قصيدة مشهورة ذكر مناقبهم وعدد بيوتهم وذكر عقدائهم في معاركه في تثبيت آخر أركان الخلافة الراشدة ووصف في آخر القصيدة إنه لوكان بواب على باب الجنة لقال لهم أدخلوا الجنة منافحة على دبن رب العالمين ورسالة خير المرسلين - صلى الله عليه وسلم - لكي لاترجع الخلافة ملك عضوض يتم توارثه ، أما قصة الشريفان غالب وراجح فهي معروفة ومع المعرفة اللى بها هناك مبالغة ومزايدة من الدواسر وهي إن هذان الشريفان الكريمان المحتدى غالب وراجح كانوا على سرية قوامها 500 مابين راكب وراجل أتوا من بيشة لكى يحذروا الدواسر من إستضافة جريس اليماني لإنه خارج على سلطة الدولة العثمانية لإن الإشراف كانوا يمثلون العثمانيين في الحجاز الكبير وكل القبائل إمتثلت وقدرت الإشراف من العتبان وسبيع والبقوم وهذيل وأهل بيشة وقبائلها وحتى قبائل سراة الحجاز وهم في منعه وقوة من الغمد وزهران وحدث الصدام مع الدواسر في شيء لم يتفهموه ولبعدهم عن العاصمة المقدسة (( مكة المكرمة)) عن وضع هذا الرجل الذي أستضافوه فحدث شر أخس من شر أكرام هذا الشخص ولعدم تأجيج الصراع وزيادة الفتنة سكت الإشراف عن هذا الموضوع لإن العرب في طبعها أسرع للفتنة وأقرب من جهلها من حكمتها وخصوصآ في تلك الأيام حيث كانت القبائل فيها من طبع الجهالة والثأر الشيء الكثير.

[رولكس]

اخي العزيز امجاد وبطولات دوسر ليست بحاجه لشهاده من احد ومن يكون ابن بلال

[وسيع البطان]

أخوي فالي السيل الله لايهينك وكثر الله من أمثالك ..

أخي راعي الغربيه ..

نحن لانتكلم عن أخيار الأشراف الأقدمين ولكن عن المتأخرين منهم ..

أي نواصب وأي خوارج ؟ هل ترى أن الدفاع عن المستجير فعل ناصبي ؟

أذا كان هكذا فليشهد التاريخ أن الدواسر هم رؤؤس النواصب ******!!

ولماذا لانقول أن ماذهبت أليه تشيـّع ( مذهب رافضي ) !!

عموماً حتى تعرف سبب أفتخار الدواسر بهزيمة الشريف وقتله

عليك مراجعة المؤلفات التي تعنى بتاريخ نجد كأبن بشر وأبن عيسى

والفاخري حتى تقرأ بأم عينك أفعال هؤلا الأشراف الذين تقدسهم وأنتهاكهم

لحرمات قبائل وبلدان نجد والحجاز وسفكهم للدماء واعتدائهم على الأعراض

لأنهم كانوا يرون أهل نجد بنفس منظارك ( روافض ) لماذا ؟ لأنهم لايقبلون

الضيم والظلم .. وقد صيّر الله الدواسر عذاباً له ولقومه .. وبعدها أنقطعت

تعديات الأشراف على مسلمي نجد من حاضره وباديه ..وكان لمعركة الفنصليه

المتأخره المشهوره على عهد الأمام سعود بن عبدالعزيز بن محمد بالقرب من جبل

تين بتربه التي قادها الدواسر آفة الأشراف فاصلاً تاريخياً مهماً مهدت للدوله السعوديه

بالدخول للحرمين وأذعان الظلمه من الأشراف للحكم السعودي وعليك بمراجعة

تاريخ الدوله السعوديه الأولى لأبن بشر تقريباً عام 1200هـ لتتأكد .. وليت هناك من

يسعفنا بالقصيده لأحد الأشراف التي أوردها بن بشر والموجوده بمشاركة أبوحجاب

الله يكثر جنسه تحت عنوان ( معركة تين ) على الرابط

http://www.sulayyil.com/vb/showthread.php?t=22830

ولانلوم بعض القبائل بعدم أدخالها لبن مطرف فقد كانوا الأشراف ظلمه جداً

ويوقعون أشد العقوبات بمن يعارضهم حتى وصل من تجبرهم أخذهم للمكوس والضرائب

على الحجاج وزوار الحرمين الشريفين ..

ولكن سلط الله عليهم -- ومايدريك أنها دعوة مظلوم -- بالعصور السابقه الدواسر آفة الأشراف

والعصور المتأخره ( الأخوان ) بمعركة تربه الشهيره ..

والتاريخ يتكلم حتى لو يلجم فمه ياراعي الغربيه !!

[متعب ابن عشوان]

الله يرحمه وصح لسانك ونعم فيكم يعيال زايد وغنين عن التعريف

[شافي]

ونعم بالدواسر لكن لاتآخذونها جد عشانهم مدحوكم آل محيي واميرهم تراهم يجاملون الدواسر مافيهم قصور الدواسر لكن مهم على مستوى القبايل الي عليها الكلام امثال قبيلة العجمان وقحطان وغيرهم ولا سمعت عنهم الا حربهم معا الشريف من القصيده هذي اما انهم كسرو قبايل ثانيه ماسعمت. الي اعرفه عنهم ان حيلهم بينهم واعيال العم يتقاتلون دايما


لحد يفهمني غلط

[متعب ابن عشوان]

يااخ شافي الدواسر غنين عن التعريف وموهم محتاجين شهادت اي واحد ومع اني ماني دوسري بس الحق ينقال
ونكانك تمدح العجمان وقحطان يعني من قبيلتك لازم تمدح والعجمان في معركه زمان هزموهم مطير
يوم كان قايد مطير فيصل الدويش وتصوب بامعركه فيصل بس الي انتصرو مطير ولاتشيل بخاطرك الحق ينقال

[شافي]

حياك الله يامتعب بس مالقيت الا مطير !!!! بقولك غزوه من احدى غزوات

شرايك في قبيلة آل حبيش وعددهم 40 رجال وهزمت قبيلة مطير وعددهم 900 رجال!!!! تصدق الكلام هذا؟ يعني لاتقارن بينهم هذا فخذ من العجمان وهم ال حبيش فما بالك في العجمان كافه!!!


الي قتلو ابن جلوي وغيرهم والكثير وخذو حكم دولة بني خالد وكنتو يالدواسر مشتركين في المعركه هذي وشرطتو اخذ الريشه

واقول الكلام هذا ووالله العظيم ماني يامي بس افهم بالتاريخ

عساني ماثقلت عليك

[خــيال الجـدعـا]

يا أخ شافي...

رح للكتب..وشف التاريخ...

معارك لا تعد ولا تحصى...

1- معاركنا مع سبيع..

2- معاركنا مع مطير..

3- معاركنا مع قحطان..

والمعارك كثيرة ولاتحصى..



واسمحولي ذكرت القبائل<<عشان يعرف معاركنا..






والكلام كثير..كثير..

وسأتركه للأخوان...

[رولكس]

الحقيقه ذكرت بيت للشاعر الكبير شلعان الله يرحمه واموات المسلمين وهو من عرض قصيده
وين انت يوم ان القناء يردع القناء ******* والحكم حكم السيف ياقطاه
واليو في الاسلام طال السانك *******

[متعب ابن عشوان]

لا يااخ شافي انت غلطان الدواسر معروفين وغنين عن التعريف وتاريخهم يشهدلهم
ومعروفين بين القبايل وتراك انت تمثل قبياتك والكلام هذا ماله داعي كلنا اخوان

[متعب ابن عشوان]

يشافي بقولك نبذه عن مطير ولايهينون القبايل الباقيه مطير معروفه فتاريخ وكثر
غزوات لمطير وعلى ماقال المثل يوم لك ويوم عليك هذولا الفرسان يهزمون وينهزمون
ومطير حمران النواضر معروفه بليا شهاده والدواسر والقبايل الباقيه مايهينون ونعم فيهم

[شافي]

ونعم بالدواسر ترا ماسبيتهم كلن فيه الصالح والطالح

[أسامه]

دامك ماقلت شي رح ارقد وانا ابوك ولايكثر

[شافي]

اي نعم يا اسامه ماقلت شي ولا سبيتهم قصدي في كلامي انهم ماينافسون القبائل الثانيه

ولا طلع فيهم فارس يذكر قصصه الآخرين وانا ما قاعد اسبهم الحين لكن معروفين انها قبيله فيها الخير ،،،،،،

[رولكس]

يومهم ماينافسون القبايل الثانيه وشفيكم ماغزيتونا يامطير وجربتونا وديارنا حامينها بالسيف والرمح اللين عدينا القبايل عنها يامطيري القبايل يحسبون الف حساب للوادي وهله ماخليوتونا
مخافة من الله خليتونا من ضرب الاحدب والوادي مطمع لجميع القبايل منقديم مير دونه لاد زايد وتغلب اللي حموه بالهنادي من يام وسبيع وعتيبه وقحطان وباقي القبايل اعرف وش يطلع من ثمك يا ميم طا قير علاقي

[تمساح الوادي]

اغتاض الشريف حاكم مكة على ابن مطرف وطردة وزبن عتيبة وتعذروه وزبن سبيع وكذالك وزبن الدواسر وزبنوه وكان الشريف يتوعد اللذين يزبنوه من القبائل وغز الشريف على الدواسر وجات معركه وكسروه فقال ابن مطرف يمدح الدواسر ويبين افعالهم 0
جلينا وجلانا الشريف بن هاشم * وسواة من جلا الشريف ايخاف
زبنا لما رجال عتيبه * وقلوبها صوب الشريف اسخاف
جلينا ونصينا سبيع بن عامر * يدوسون لاريا والعزوم ضعاف
مشينا ونصينا رجال ال زايد * اطوال القنى للحاربين اعساف
ومن قبل ذا قدزبنو اللي قبلنا * وداوو عما من لايشوف وشاف
افيانعم ياولد بن خطاب شيخهم * وسيفه من راس الشريف اعساف
ويانعم ياولد المبيعيج ناصر * جواده في العج اتغبا وتشاف
او عمري اصط من شبا السيف حاضر * جواده منها السابقات تخاف
وترى عزوتي منهم رجال ال فادر * غشاهم من البيض ذرا ولحاف
عسى الله يحيي لي بلاد ال زايد * وعساها من عقب الربيع تصاف
مازبن اللي مثلنا كون مثلهم * اكسروا عساكر دولة الاشراف
يوم اصفقو القوم في القوم ارتكو * ارزان المواقف هم ذراء من خاف

[ابو جفان]

بسم الله الرحمن الرحيم
الاخ تمساح الوادي حياك الله وهناك بيت في القصيده اللتي اوردت فيه خطأ فاحش وهو قولك ان ابن مطرف يقول
يانعم ياولد ابن خطاب شيخهم000سيفه على راس الشريف اعساف

والبيت الصحيح هو
يانعم ياولد الفدير مقينع 000سيفه على راس الشريف اعساف

وهو مقينع ابن الفدير جد ال فادر واسمه محمد ويسمونه فادر لأنه تأخر في زواجه وسموه فاد نسبة الى البعير اذا فدر قولك ابن خطاب شيخهم لا ادري شيخ من هل هو شيخ الرجبان ام انك تقصد شيخ الدواسر؟
المعروف ان ابن مطرف زبنه الغييثات والدليا قول ابن مطرف

ترى عرفتي منهم ارجال ال فادر.000غشلهم من البيضا ذرا ولحاف
مازبن اللي مثلنا كود مثلهم 000عسا دارهم عقب الخريف اتصاف

[ابو جفان]

اما قول الاخ المطيري ان الدواسر ليسوا على مستوى عتيبه والعجمان ومطير فأنا اقول ان الدواسر مافيه قبيله من القبائل اللتي ذكرت الا وتبدوو في ابلهم وذبحوا شيخانهم ومنه قبيلك فقد ذبحو الاعضب عند العقبي ذبحوه الغييثات وذبحوا نادر الهرشان وذبحوا عماش الدويش (الرجعه) ذبحه سهيلي الغييثات في بحرة عماش اللتي سميت بأسمه وهم من اخذ ابل هذال الشيباني خذوها الغييثات يوم دلقان وخذوا ابل ابن حجه امير النفعه خذها شجاع ابن قويد والى الان وهي عند القوده وذبحوا عرار ابن عبود امير ال مسعود منقحطان وذبحوا اخوه ذيب وذبحوا مسعود امير ال فرسان من قحطان وذبحوا نخاعان من ومرا ال مسعود وكثير الشيخان اللي عند قبية الدواسر ومن قبيلة العجمان ابن عبار ذبحه الغييثات

اما قول الاخ راعي الغربيه ان الدواسر حاربوا سلالة النبي صلى الله عليه وسلم فنحن نقول ان من الاشراف من هو صاحب بده ومنهم من هو كافر ومنهم من هو عميل لليهود والنصارى وكان الاشراف يستعبدون الناس في مكه بحجة انهم من ال البيت
ثم هل تسمي ملوك الاردن الخونه الان انهم من ال البيت والله ان البيت واله رضي الله عنهم اجمعين بريؤن من هؤلا الخونه امثالهم وامثل محمد ملك المغرب الذي يحارب الاسلام في كل مكان
ياعزيزي اربع على نفسك ولاتدخل في مواضيع يصعب عليك الخروج منها لو اردنا ايراد الحقائق لألقمناك حجراً ولاكن لا نريد ان يكون المنتدى مكان للمهاترات والمزايدات فنحن نذكر تاريخ سوف يقراء من بعدنا ونريد التثبت في جميع مانقوله

تحياتي لكم

[شافي]

اخوي تراني ماسبيت الدواسر:sm292: كل الي قلت انهم اجاويد لكن مايقارنون القبايل الثانيه


واذا عندك كلام غير هذا اذكر لي فارس طلع فيكم يعادل الدويش او راكان بن حثلين او ابن هادي او ابن حميد مااافيه صح:sm63: ومع مع ذالك احب الدواسر واعزهم:sm223:

[ابو جفان]

وانا ماقلت شي يزعل كل اللي قلته اني عددت عليك شيوخ ادوشان اللي بعضهم مذبحينهم رعيان الدواسر

واما الفرسان فكثير ويتعدون الحصر ولسنا بصدد ذكرهم

ولاكن سنذكر بعض من الابطال

وقيان ابن نصار

شجاع ابن قويد

عبيد ابن خصيب


سعود ابن عواد

معجب العجالين الذي دخل مع عبد العزيز القصر يوم فتح الرياض

وكريم سبلا هذال الشكره

وغيرهم كثير ويتعدون الحصر

ثم ان القبائل في قديم الزمن كانت تقاس قوتها باتساع اراضيها وطيب ابلها ومعروف ان حدود الدواسر هي من اوسع حدود القبائل ان لم تكن اوسعها وابلهم هي اطيب الابل سواء في الماضي او الحاضر


ياشافي اشفاك الله نحن نعرف مرادك من هذا الاسلوب الصبياني ولاتنطلي مثل هذه الحركات الصبيانيه على مثلنا

دور موضوع تكلم فيه احسن لك من تراهات الاطفال اللي انت قاعد تقولها

[شافي]

ونعم بالفرسان الي قلت لكن والله ما اعرف منهم احد ولا عمري سمعت عنهم هاهاهاها

وآسف خيووو اذا غلطت في شي


ودعتك الله لقد امضيت معك وقتاً ممتع :sm225:

[حنفوش]

يا مال الجنة :sm238:

[الوعد]

:sm232: تسلم ابو جفان انا فداك
معليك من شويتي لقمته 0000 ويستاهل
تلقاه من الخراريز ولا اخوانهم0000 خايف من الحظر ولا كان قلته
والدواسر تاريخهم وافعالهم مثل الشمس في كبد السماء