الخط العام لمحافظة السليل

[هاب الريح]

السلام عليكم جميعا وخاصة اعيان وكبار اهالي السليل
ياجماعة الخير معقول هذا التأخير في تجديد سفلتة الخط العام .
والله انه استهتار بنا وعدم اكتراث بالمشاعر ونصب واحتيال بائن وظاهر
ووالله اننا نساعدهم بسكوتنا واستسلامنا لهم
وانني واظن الكثير يوافقني الراي نطالب كبار السليل ورؤساء المراكز بمطالبة المسؤل عن هذة السفلته التي كنا في غنى عنها

وشكرا,,,,,,,,,,,,,,,,,,,,,,,

اخوكم ك:هاب الريح

[المسافر]

شكرا هاب الريح على غيرتك على بلدك
يبدوانك (اصحيح) ولا تعرف حيل البلديه . يا عزيزي الخط ممر للسواح والمصطافين وفعلهم به حركة تدل على الحركة الدؤب للبلدية النشطة يبون كل مصطاف يقول والله البلديه شغاله عندكم ( طبعا بعد ما ياكل كم مطب وتتكسر سيارته )
وياما تحت السواهي دواهي ..........

[غالي الأثمان]

مشكور اخوي هاب الريح على الموضوع الهام جدااا فالخط العام له سنه ولا سوو فيه شي البلديه تاكل ولا همها الخط العام
ولا غيره والمشكله في اهل السليل اللي ساكتين عن الموضوع ولاتحركوواوالله قهررررررررر على الاقل شوفو بلدية الحوطه وش سوت في الخط العام اللي عندهم والله تقول شارع الامير عبدالله بالرياض ينشرح صدرك من اول ماتدخلها
لكن ماباليد حييييله الله يعين....

[هاب الريح]

أخوي المسافر الله يطول بعمرك السواح اللي تقول اذا مرو رايحين لابها مثلا باول الاجازه وشافوا الخط مريض بيتبادر لذهن احدهم انه تحت الاصلاح لكن اذا رجعوا وشافوا التيس في مذبحه ما احد شاله قالوا اكيد ان البلديه نايمة في البطيخ
وتسلم لنا يالمسافر دايم الدوم

والف شكر على التعليق

[سراق القلوب]

تبطون عظم
اصلا الخطا من اهل السليل
الي مايطالبون في شي كلا يبي ختم اماره وبس
هذا همه كنه بيصير ملك

[عاشق الزين]

لا حياة لمن تنادي

الوووواااسطة تلعب دووور حتى المقاول شغال
بالواسطة و على كيفه متى ما يشنغل