يااعضاء منتدى السليل كلكم (الجدد والنشطين والمشرفين)

[ولد المبيعيج]

المنتدى صاار هاجد معد به حس



المواضيع عرضها يطول بلا ردود



معظم الاعضاء افتقدناهم




المشاركات الهادفة قلت




الاحباط عم الكثير من الاعضاء






المنتديات الاخرى تتدهر






الامور مختبصة





بعض الاعضاء مساكين يحرث في البحر







الزوار قلوا






كل يوم نشوف اسم عضو جديد ولا فيه اي مشاركة





وين المشرفين من اقتراحاتنا






ابي اعرف ويش السالفة؟؟؟؟ !!!!!!!




(13)

مهوب معقول ان كل الاعضاء مشغولين


ويش السالفة

المنتدى صراحة تغيير عن ماضيه وقل نشاطه وقلوا رواده




المواضيع بعضها غير هادفة وتنقدنا عند الزوار


كل يوم واحد يعتزل من المنتدى

ولا نلقى بعض الاعضاء يعذرب في مشاركة رفيقه ونسى ان فيه شي اسمه رسايل خاصة يوجهها له لاصار خطا


القضية هذي سبق ان تكلم فيها كثير من الاعضاء

لكن الى متى بيستمر الوضع على هذي الحالة !!!

المنتديات الاخرى كل مالها في نهوض واحنا نسير بالعكس


ارجو من الجميع انهم يتقبلون الموضوع بواسع الصدر


لاني الاحظ ان اكثر الاعضاء قل تردده على المنتدى وقلت مشاركاته الفعالة(10)



وارجو انكم تتقبلون مني حقيقة ماقلت لاني والله مقدر اهون الوضع ووالله اني اتمنى لهذا المنتدى انه يكون منتدى متميز
يهدف للمواضيع اللي ترفع الراس ويضم اعضاء متعاونين ومتفاهمين

والموضوع اظنه مايحتاج لكلام اكثر من كذا انتو بس ادخلو على الصفحة الرئيسية وشوفوا عدد الاعضاء المتواجدين والزوار

وباقي الموضوع بتركه لكم ولانيب مستغني عن اراؤكم

[ولد المبيعيج]

وهذي البيانات نسختها من الصفحة الرئيسية اثناء كتابتي للموضوع وتبين قلة تواجد الاعضاء والزوار مقارنة بالماضي


يتواجد الآن ( 1 )عضو ( 3 )زائر أكثر عدد تواجد في لحظة واحدة (49) في 14/7/1424 هـ عند الساعة 10:36.
مدير نائب المدير مشرف عضو
ا

عدد الأعضاء الذين تواجدوا اليوم في المنتدى:16 <==

أكبر عدد أعضاء تواجدوا في يوم واحد 56 في 20/8/1424 هـ. | الأعضاء الذين كانوا في المنتدى اليوم هم :

[غالي الأثمان]

معك حق اخوي المغترب في كل كلامك ..وبيني وبينك المنتدى هذي الايام صار ممل ومواضيعه كلها مغبره

المشرف العام مايدخل المنتدى الا مره في الشهر..؟!! و المشرفين يشاركون في منتديات ثانيه وانا اولهم

لانه بصراحه مافيه تطوير للمنتدى وتجديد عكس المنتديات الثانيه اللي اخبارها ومواضيعها طازجه اول باول والمنتدى اذا قعد كذا والله ماراح تشوفه مثل اول انا اقترح انهم يسكرونه ويرتاحون..

[راكد]

اخوي المغترب

انا فخور بك وذلك لما قرأت لك اعلاه ومعااااك حق في كل اللي قلت

اما بالنسبه للمشرفين فانا بكل أسف لا أرى احد كان فيه ...الشامخ ...ونجديه ..الله يذكرهم بالخيروما اشوفهم هلايام عسى المانع خير ..اما البقيه لا تعليق ....

...المنتدى هاجد نعم هاجد ولاتكثر الردود يا انك تمدح وتجامل او لاترد ...ياعزيزي المنتدى ماوضع الا للمناقشه
والنقد البناء واقول البناء لكي يخرج بأذن الله من اكنافه من يصبحووون مبدعون حقيقيون ...,ولن يحدث ذلك الا عندما يكون هناك مجاااال واسع للنقد ومناقشة الاخطاء بكل شفافيه......

نعم انا معك الرسائل الخاصه تؤدي الغرض لتعديل الاخطاء ..ولاكن البعض تفضل التعامل معه عن طريق الرسائل الخاصه لأنه متعاون ويحب يفيد ويستفيد اما البعض الاخر فبكل اسف عندما لاتجد منه اي تجاوب ويتعقد
انه مصيب ....وهومشّرق والناس قبله......تضطر تعطيه بعض الملاحظات حتى يراجع حساباته..ياخي المنتديات الكبيره لم تشتهر من فراغ ..........اشتهرت لانهم لايسمحووووووون بأي مشاركه دون المستوى

...فمثلا لو كنت تبي تشترك فيها كشاعر لابد ان يسمعوا منك او ترسل مالديك لهم حتى يأكدوا من مقتدرتك
اما اللي نشووووووووووفه في منتدانا خلها على الله............




لي عوده الى هذا الموضوع بأذنه تعالى [جاني طارىء].........مشكوووووووور المغترب على اثارة الموضوع

فمان الله

[ولد المبيعيج]

اخوي غالي الاثمان مرحبا ومسهلا بك

واحيٍ
فيك روح التعاون والانتماء لهذا المنتدى اللي يعني لنا الشي الكثير اكيد لاشك انه مصدر فخرنا ويضم عزوتنا
وينقل واقعنا

فمع هذا كله نجد انه يفتقد لاشياء كثيرة ولا داعي اني اطول كما بينت سابقا

فمثل ماقلت ياخوي غالي الاثمان انهم يلغون هذا المنتدى انه اصرفله

المنتدى صار له فترة طويلة وغير خاضع لاي تطوير او تقدم

والموضوع لابد انه يتجدد فيه النقاش انشالله بحضور الاعضاء اللي مثلك وشرواك وودنا ان الحاضر يبلغ الغايب
واشكرك جزيل الشكر اخوي غالي الاثمان

[ولد المبيعيج]

اخوي راكد يامرحبا والله ومسهلا مرورك يشرفني ويسندني

وجعلك تسلم على كل ملاحظة اضفتها وكل موضوع بينته

انا همنا ياخوك ان ذا المنتدى يكون في صورة افضل يحس فيه العضو باشتياق لافارقه عكس مايكون ممل ويجيه من الشهر لا الشهر

ويسرني ماقلتوه ان اخوي غالي الاثمان ومثل ماتعرف ان اليد الوحدة ماتصفق

وانا في انتظار الحل منكم ولانيب مستغني

لاهنت

[شيهـــــانة]

السلام عليكم ورحمة الله وبركاته

أخي المغترب

أشكرك على طرحك لهذا الموضوع والذي سبق وأ نادينا بأمثالة القائمين على المنتدى

ولكن دون جدوى

نعم أخي المنتدى مستواه عاااادي واقل من عاااااادي

لاتقدم فية ابدااا

نريد منتدى للنقاش ولطرح المواضيع التي تهم مرتادي المنتدى من ثقافة وتوعية

ومناقشة ماينقص محافظتنا وامورنا

لابد من اعادة النظر في المنتدى للرقي بة وجعلة مضاهياً لبقية المنتديات الاخرى

أخي المغترب أنظر إلى عدد مشاركاتي كم وصلت هنا وكم هي الفترة التي قضيتها في هذا المنتدى

ولاتقديم ولاغيرة

لست هنا لاريد ان اكون مشرفة لا والف لا بل هناك مهاترات بالمنتدى من تكرار مواضيع عدة

وسرق قصائد ونسبتها لغير

وجمووووووووووووووووووووود لازم المنتدى


لابد من اعاااااااااادة النظر ايها المشرفون وترتيب المنتدى من جديد وتغير شكلة الخارجي وزيادة للاقسام


هناك الكثير مما نود قولة ولاكن الله المستعان

اشكرك اخي المغترب ونفع الله بالجميع

[ولد المبيعيج]

حياك الله اختي شيهانة
والله يجعل في طرح ذى الموضوع خيرة يلم الاعضاء ويترك لهم الانطلاق بالاراء والحلول في ساحة النقاش


ولافيه شك ان ملاحظاتك في محلها من تكرار للمواضيع والمهاترات ....الخ

لكن المصيبة اذا كان اللي يحسون بأمور هذا المنتدى ناس ينعدون على الاصابع ولهم فترة طويلة

والباقين غافلين


واشكرك جزيل الشكر على ماابديته من رأي سديد وملاحظات مهمة ولا نستغني عن تعاون الاعضاء

لاهنتي.....

[الشقاوي]

المغترب
الشباب
ليه مكبرين الموضوع شوي
منتدانا حاله حال اغلب المنتديات
ولكن بعض المنتديات المشرفين شدو فيها الى ان انقطع الحبل
مصخوها مع الاعضاء مثل كذا منتدى يخص الشرقية عندنا
ولا احب ان اذكر منهم اسم المنتدى الذي ظلمت فيه وحلفت امامهم الا ادخله
بعد اخر رسالة كتبتها لهم والسبب مصخوها معي المشرفين

منتدانا بالعكس المشرفين متعوانين يمزحون معاك

هذا رايي

وسلامي عليكم
يالحاضرين

[ولد المبيعيج]

اخوي الشقاوي حياك الله

ومشكور على وجهة نظرك

المشرفين والحمدلله مانقول فيهم شي بس حن نطالبهم بالشي اللي فيه مصلحة عامة للمنتدى والجميع

ولاشك ان المنتدى الجيد مايكون جيد اللا بالمشرفين والاعضاء ومن دونهم ماللمنتدى قيمة

واحنا مانطالب المشرفين اللا بأشياء معقولة,,لعلو هذا المنتدى اما من ناحية اعتراضنا عليهم فأبدا مابيننا وبينهم اللا كل تقدير واحترام

واشكرك على مرورك لهذا الموضوع

تحياتي,,,,

[أبو محمد الودعاني]

فعلا ليه مكبرين الموضوع
فالركود عام لمعظم المنتديات
ومع ذلك فهذه الايام احس فيه حركة
المشكلة يا جماعة الكسل
كل يتكل على غيره في الرد
او إضافة مواضيع
صراحة ادخل على المنتدى وأجد الزوار كثر
لكن المشاركات شحيحة
ومني انا ساحاول جاهدا الرد على المشاركات
واضافة المواضيع المهمة

[ولد المبيعيج]

حياك الله يامشرفنا

وصدقني ان الموضوع ماكبرناه هذي شي حسينا به جميع من تغير المنتدى عن سابقه

واذا تبي التأكيد رح للمنتديات الثانية وقارنها بمنتدانا
المنتديات الثانية كل مالها في تطوير

وانا معك ان فيه منتديات فيها سكون

لكن ليش نقارن انفسنا بالمنتديات اللي هي اقل من منتدانا

احنا ننظر للشي الغالب ولاحظ اغلب المنتديات بنفسك

والموضوع محسوس بشهادة كثير من الاعضاء

واكيد اننا نتمنى لهذا المنتدى علو مكانته وبروزه

تحياتي,,,,,

[أبو محمد الودعاني]

شكرا لتجاوبك معنا
انا حينما اقول الركود العام للمنتديات سواءا علت اوقلت
ليس معناه الرضوخ لهذا الأمر
وان شاء الله سنسعى واياك مع بقية الأعضاء لنهوض هذا المنتدى الشامخ

[ولد المبيعيج]

هذا مانتمناه
ولانستغني عن جهود جميع المشرفين بهذا المنتدى

واشكرك على تفهمك للموضوع ومرورك

لاهنت,,,,,,,

[شيخ ولد شيخ]

يا اخوان الله يهديكم انتوا ليش مكبرين الموضوع

الموضوع بكل بساطه ان القائمين حسب مصادري انهم اغلبهم مهوب من السليل
والمثل يقول ....ما حك جلدك مثل ظفرك ....ولا راح يصير لمنتداكم علم وخبر الا
اذا كان اغلب المشرفين من السكان الاصليين في السليل ....هل تعلم من شروط ان تكون مشرف لابد تكون
خط 110.......استغفر الله واتوب اليه .......
لا والكارثه اذا كان المسؤول عن مشاركتك والتحكم فيها ...عبد ولا صانع ...كلنا عبيد لله
يااخوان القائمين على المنتدى لايرغبون في تطويره افهموووووووووووووها

[ولد المبيعيج]

اخوي شيخ ولد شيخ

تبي الكلام اللي يجمد على الشارب

مفروض ان جميع المنتديات اللي تخص مسمى القبيلة تتوحد


يعني وناخوك شف

عندك منتدى السليل
ومنتدى الوادي
ومنتدى الولامين
ومنتدى العجالين
ومنتدى الشرافا
لو توحدت كان اصرف وتندرج تحت مسمى منتدى الدواسر

ورح شف المنتديات الثانية على سبيل المثال

عندك منتدى العتبان(الهيلا)

منتدى سبيع

شبكة الطنايا(خاصة بشمر)

وغيرها من المنتديات

مافرقوا المنتدي اللي يخص قبيلتهم

ورح ادخل منتدياتهم والله انها في تقدم وزوارها واجد

[شيخ ولد شيخ]

اخوي المغترب

كفك لاعدمتك


كلامك صحيح صحيح


لاكن وش تبينا نسوي


يالدواسر عبيدنا واجد


وعندما امنوا العاقبه


طاحوا بكبودنا وكل


واحد منهم معه ريالين


رااااح يسوي منتدى


ياخي الأمر اذا اوكل


الى غير اهله تضيع

الامور...اخر الزمان


الله يكفينا شره

[الشقاوي]

منتدانا شامخ يحميه سور
ياخوي انت اذا جاي هنا المنتدى عشان تضايق الربع وتنصف فيهم عبد وحر
وتهينهم بشكل غير مباشر فلن اسمح لك بذلك


سؤال
جاي عشان تهينا يعني؟؟؟؟!!!!!

[ولد المبيعيج]

اي اهانة قد جات مني على اي واحد في هذا المنتدى علمني!!!!!

انا ماقصدت احد بعينه

ولا ضايقت اي عضو

ورح تابع ردودي ولا مشاركاتي ان كانت تحمل شي من الاهانة وبحق على مشهد الاعضاء


وهل هذا جزاء من يبي الخير لهذا المنتدى !!!!

وتوصفون فعايله انها اهانة ومضايقة

اذا كان الموضوع بياصل لهذي المواصيل حنا في غنا عن هذا النقاش اللي يزيد الطين بله


اخوي (شيخ ولد شيخ) قال اللي عنده وابدى مافي خاطره

ولا حدد احد بأسمه
,,,,

[ولد المبيعيج]

ارجو من جميع الاعضاء يدخلون على هذا الرابط .اللي يعبر عن كل مايحويه

والكلام اشوف ان اطالته على غير سنع

http://www.sulayyil.com/vb/showthread.php?s=&threadid=612

[الشقاوي]

المغترب افا عليك وانا اخوك وسع صدرك ماكنت اقصدك انت
افا عليك اقرا العنوان الي كاتبه فوق رسالتي
اش دعوة اخوي المغترب انت عزيز وغالي واذا لساني قال لك هالكلام والله لاقطعه
ومنتدى السليل انت اولى فيه مني لانك من حول السليل اما انا اصلي مو من السليل
وانا للحين هنا ضيف ولا ابي اصير عليكم مشرف ولا شي
وماعاش من يهينك

لكن انا اقصد بالكلام ذا شيخ ولد شيخ ما ادانيه

[ولد المبيعيج]

اخوي شقاوي لا بالعكس حتى ولو انك قاصدني صدقني مهوب جاي في خاطري اي شي لاننا هنا اخوان والوقت اللي جمعنا له فترة طويلة

وانت عزيز وغالي

وبعدين يومك تقول اني اولى بهذا المنتدى منك صراحة انك مخطي هذا المنتدى مايخص واحد دون واحد بمجرد اسمه

هذا منتدى الجميع وملفى لبني عمنا قاصيهم ودانيهم

وليش التحيز !!

والمهم من ذا كله ان الجميع يسعى لرفعة هذا المنتدى سواء كان من السليل او من خارج السليل


واتمنى انه مايحتد النقاش بين الاعضاء في سبيل مناقشة موضوع نسعى لحله

اخوي شيخ ولد شيخ انت والشقاوي طالبكم انكم تقطعون كل ماجرى بينكم .ووسعوا خاطركم

واعتذر منكم جميع ان كان بدر مني اي شيء يسيء لكم

تحياتي,,,,,,

[الشقاوي]

انا يالمغترب مافي خاطري شي على الاخ(شيخ)
لكن الاحظه من اسمه انه ضعيف شخصية ويبي يفرض مشيخته بالمنتديات
وعلى من
علينا حنا
ليقلل من شأننا
وراح لك الاخ يفصل بين العبد والصانع والقبيلي

ليش كل هذا
يعني اشياء تسبب عنصرية
وعبيد الدواسر اليوم احرار ولا اتكلم دفاعا عنهم كون من اعرفه منهم
ولكن الحق حق
والصانعين الداخلين القبيلة اليوم منها وفيها ولهم مالها وعليهم ماعليها

والدليل
اعرف واحد من العمور دواسرتمرة والله انه اسود 100%
وماخذ جواز بحريني كونه يحمل اسم القبيلة


وسالفة
هذا زايدي وهذا تغلبي وذولي اصل وذولي لأ وذولي عبيد وذولي خضير
ما اسمع احد يتكلم فيها الا الشباب والا الشيبان والله انهم يقولون كلنا ابناء عم
بس في المصاهرة يعطونها حقها على حسب عاداتهم الاولية

سؤالي اخوي شيخ ولد شيخ
ليش كل هذا؟؟؟؟
يعني انت تفتكر انك بتتهزا عالمشرفين
وحنا مانزعل عليك !!!!؟؟؟؟؟؟

[ولد المبيعيج]

الموضوع ودي انه يكون قاصر الله يجزاكم خير على امور المنتدى وانتوا توسعتوا في النقاش لين الامور تعدت حدها.

كنا في سالفة المنتدى ومدري ويش اللي طببنا على ذا السوالف.

وبعدين يالشقاوي ليش تحرق اعصابك الرجال ماقصدك انت

وان كان يقصد احد المشرفين فهو ماحدد احد بأسمه.

وماحد شاك في عمره واصله.

واما انك بتخلط الامور وتجعل الصانع في منزلة الحر فاسمحلي وناخوك

صحيح ان كلن عنده قسمه من المرجلة وشيباننا الاولين عاشوا وهم يملكون العبيد لكن تلقى منهم الطيب وعدم احتقارهم وانت تسمع بسوالف الاولين لامات احد الشيوخ كيف عبيده يحزنون عليه ومواقف خدمتهم الشريفة للقبيلةوحفظهم لاشعارنا يوم ماكان لها تدوين

.وعبيدنا خاصة يالدواسر بسوون اطلق شيخ من شيوخ بعض القبايل



وحقر الرجال مهوب طيب

وهذا زمن الماديات معك دراهم رح اشترلك اصل

والجميع ادرى مني في المواقف اللي صارت بالمال وشرى الاصل ولا ابي احدد ناس بعينهم واذكر اساميهم

لاكن الدين الاسلامي وهو دينننا فصل الاحكام اللي تتعلق بالعبد والحر وبينها وعلى سبيل المثال عندك الدية

وفي نفس الوقت الفرق بين الجميع في التقوى عند الله فالله لاينظر للاصول وانما يناظر للاعمال

والدين ميز بينهم في امور الدنيا حتى يكون هناك التوازن الاجتماعي

وصراحة ماكان ودي اني اطيل الكلام ولا اتكلم في هذي المواضيع

اللا ان اثارتكم للموضوع هي السبب

الله يرحم والديكم اركدوا

مهوب المنتدى اللي بيحل قضايا واقعكم ولا بيغر شي في نفوسكم

المنتدى فقط اداة عرض لعاداتنا وعرفنا

ومانقلتوا عنا اللا المنازعات والمشاكل

[برنس EXTRA]

بسم الله الرحمن الرحيم
السلام عليكم ورحمة الله وبركاته
لقد قرات ماورد اعلاه ولفت انتباهي بعض التعليقات على مااوردته ...,والحقيقه انا اشيد بحنكة اخوي المغترب
والذي كان واقعي جدا الى ابعد الحدود ولم يأخذ الامور انها تخصيص لشخص بعينه ....لاني لم احدد شخص معين
ولاكن كان كلامي كله عام والجميع بما فيهم القائمين على المنتدى يعرفونه ومعترفون به ولاكن حبيت اذّكر
فقط...



اما بالنسبه ..........للشقاوي الله يصلحه
يبدو لي ان له من اسمه نصيب نسأل الله العفو والعافيه ....فالانسان في هذه الدنيا اما شقي واما سعيد
وهو قال على نفسه شقاوي ...فلا مكان للاشقياء بيننا ..والورعان....ياخي انت قلتها بلسانك انك بمنتدى وطردوك
يعني ذو سوابق...وبصراحه شلك جاي غلط بهذا النقاش اللي اكبر من فكرك ..انت تفكيرك قد كذا........i


...سيكون هذا ردي الاخير عليك لاني لست معتاد ان اهتم كثيرا بهذه التفاهات ...
يبدو لي والله العالم انك ممن يعانون من عقدة النقص او انك لست بدوسري ميه بالميه وهذا من خلال خبرتي
بالرجال ...واراهن على ذلك ...لانه عندنا مثل يقول اللي في بطنه ريح ما يستريح ...او كاد المريب ان يقول
خذوني ....ياعزيزي انا لا جاي استعرض او اهينك انت او غيرك ....وانا لما اقول عبد او مولا ...يعني صانع
فهذا كان موجود من ايام الرسول والاسلام لا ينكره...بل انها من اولا الكفارات اعتاق رقبه
ولايجب ابدا مساواة العبد بمولاه .....لان هذا يترتب عليه اشياء كثيره لاتعلمها بحكم سنك ومنشأك

اخي العزيز .........يبدو لي انك ممن يكثرون الطير بالعجه ونوعيتك لا تتناسب مع شيخ ولد شيخ مثلي..

ونظرا لحالتك المستعصيه.....,ولصغر سنك ....
انصحك بعدم الاكثار من الجلوس امام الانترنت وقراءة المعوذات واية الكرسي قبل النوم ..

هذا سيساعدك كثيرا في التحكم في نفسيتك....,والمحافظه على توازنك الفكري

ناصحك
شيخ ولد شيخ

[ولد المبيعيج]

هذا الشي اللي ماكنت اتمناه ولا افضل ان موضوعي يكون ساحة نزاع بين الاعضاء

اخوي شيخ ولد شيخ انا ادري ان مشاركتك ردة فعل على ماقاله الشقاوي

وصراحة ماكان ودي من البداية ان اخوي الشقاوي يكون في الواجهة لكن وقع الفاس في الراس
وثورت البنادق

وبل ماخرجنا بنتيجة نحل بها وضع المنتدى صار الجدال عقيم وخرجنا بالنازعات دون حلول
والواحد قبل مايشارك يحكم عقله ويقبل النقاش

ويوسع صدره لان هذا المنتدى ينقل سجيتك ويظهر صيتك

انا لله وانا اليه لراجعون...

,,,,,

[الشقاوي]

اللهم لا اله الا انت استغفرك واتوب اليك اني كنت من الظالمين
والله الدنيا حقيرة وماتسوى
وهذا اخر مسمار يندق في النعش
سامحني يالمغترب وسامحوني جميعكم
والسلام عليكم

[ولد المبيعيج]

اخوي الشقاوي جزاك الله خير

ووالله انك عقب ردك ذا انك كابر في عيني

وردك يسوى الشي الكثير وناخوك.

لكن ماودي اني اكون سبب في مضايقة احد بهذا المنتدى واولهم انت

لا ن الجميع هنا ودي اكسب احترامهم وتقديرهم

وكنت اتمنى ان هذا الشي ماصار بينك ولا بين (شيخ ولد شيخ).

وصدقني انا (واعوذ بالله من كلمة انا )مانيب منحاز لصف احد منكم دون الثاني

واكثر ماقلته كان فقط ابداء راي دون اني اني مااغلط احد



اخوي الشقاوي لك خالص التقدير والاحترام على ردك الطيب

اللي بينهي طول الجدال

ولافي خاطري اي شي عليك يومك تطلب السموحة مني

رايتك بيضا

وبيض الله وجهك ويطول بعمرك

لاهنت,,,

[اشواق مشتاق]

عش رجبا........ ترى عجبا