(( لا يطـــــول غيابـــــــك ))

[فتى الوادي]

(( بسم الله الرحمن الرحيم ))
السلام عليكم ورحمة الله وبركاته :
أخواني وأخواتي في منتدى الحبيب والغالي ( منتدى السليل )
أقدم لكم هذه القصيدة وأرجوا أن تحوز على رضاكم وأستحسانكم :
تحاتي الخاصه ؟

(( لا يطول غيابك ))

لايطول غيابك ثم آخذ عليه
لو تخليت عني عنك قلبي تخلى
العذر والتعلل والحكي ما نبيه
من تحرك فواده بالهوى ما تغلى
طبعي الصبر لكن وش عليه ارتجيه
من طويل الصبر يعقوب وأيوب ملا
دامني حي عطني وش بقى نحتريه
مابي دموعك اللي عقب موتي تهلا
مابقى بالعمر مقدار ماراح فيه
كل مازل يوم يوم بالعمر ولى
مايعرف الجمر مثل الذي يكتويه
احد يدفا بناره واحد فيه يتصلى
يامن القلب حطيته براحه يديه
مارضى له مكان غير كفك محلا
كم تعذر وعيا عن هوى مهتويه
لين طاح بيمينك بالغرام وتجلى