المساعد الشخصي الرقمي

مشاهدة النسخة كاملة : مشكله000لاصرت00(؟)00مشكله

راكد
11/12/2003, 22:05
مشكله لاصرت (تشفق) مشكله=
شوف من تهواه ووصاله محال
وقفوا دونه (وشحوا) به هله=
واصبح ابعاده يسبب لك هبال
جتنى اخباره تقول انه وله=
واحتمل صدري لزفراته تتال
لاتحيّر لا تطول المسأله=
حبك بقلبي تّرسي به جبال
حاكني واسمع كلام اللي دله=
عن حكي غيرك يسرّح به خيال
من عرف طبعه يجيه ويسأله=
ليه؟ وحدك غير يازين الدلال
ومن طغى حسنه لحسنه يجهله=
ومن بهى وصفه يطّول به جدال
ياول احلام الطفوله لاوله=
غربة سنيني تصوت لك تعال
من رحلتي بان لي منك وجله=
والشقى تقريه في وجهي مقال
ليه؟ مدري كيف حبي تقتله=
اسألك بالله جاوب هالسؤال




راكد
الشقاوي
12/12/2003, 02:40
ليه؟ مدري كيف حبـي تقتلـه
اسألك بالله جـاوب هالسـؤال

ياسلام عليك ياراكد

والله لايهينك

وجعلك سالم

وننتظر جديدك
راكد
12/12/2003, 20:13
مشكوووورياالشقاوي

على المرورو وان انشاء الله

نكون عند حسن الظن والقصيده

هذي ونا اخوك كتبتها في نفس

اليوم اللي ادخلتها بالمنتدى واذا

فيه جديد ابشروا

وتقبل فائق الاحترام والتقدير
خالد الدوسري
13/12/2003, 15:09
ياول احـلام الطفولـه iiلاولـه ii

غربة سنيني تصوت لك iiتعـال

ابداع يا راكد...مشاعر جميلة..الله لايهينك على هالقوافي..صح لسانك...اخوك خالد
راكد
14/12/2003, 04:16
اخوي خالد

شرفتني باطلاتك الجميله بجمال ابداعك

ومشكورعلى تعقيبك الذي يدل على علو

ذوقك


اخوك راكد
زياد الدوسري
16/12/2003, 17:08
مشكله لاصرت (تشفق) iiمشكله ii

=شوف من تهواه ووصاله iiمحال
وقفوا دونه (وشحوا) بـه iiهلـه ii

=واصبح ابعاده يسبب لك iiهبـال
جتنى اخباره تقـول انـه iiولـه ii

=واحتمل صدري لزفراته iiتتـال
لاتحيّـر لا تطـول iiالمسـألـه ii

=حبك بقلبي ترسـي بـه iiجبـال
حاكني واسمع كلام اللـي iiدلـه ii

=عن حكي غيرك يسرح به iiخيال
ابداع وفوق الابداع كلام ساحر وقصيده راكده على اسمك
shamekh6
16/12/2003, 22:36
لاهنت أخوي راكد وصح اللسانك..

مسكتة من جميع النواحي .

لاكن بعض المفردات يتوقف عندها القارىء .

بودي ولا عليك أمر بتعقيب على :-

من رحلتي بان لي منك وجلـه

بصراحة توقفت كثيراً عند (وجله)

تقبل تحيات أخوك.
المحتار
16/12/2003, 23:01
ليه؟ مدري كيـف حبـي تقتلـه =

اسألك بالله جـاوب هالسـؤال ؟؟؟؟؟؟؟؟؟؟؟؟


صح لسانك... هذا البيت بس يسوى قصيدة غزلية

تحياتي راكد
راكد
17/12/2003, 01:46
بسم الله الرحمن الرحيم

اخوي زياد الدوسري

شرفتني باطلالتك وغمرتني بلطفك وذوقك

تقبل تحياتي وتقديري ونااخوك



من رحلتي بان لي منك وجله=
والشقى تقريه في وجهي مقال


الشامخ

تعقيبك على المشاركه اسعدني جدا وشرفني
اما بالنسبه لبعض المفرادت ونا اخوك00انا
جاهزلأي استفسار00وانت سألت طال عمرك عن
(وجله) ممكن نكتبها ونا اخوك ( اوجله)0000مأخوذه من الوجل أي (الريبه)والتوجس والتحفز وتوقع ماسيحدث
من (فراق)000وتعرف بعض الشعار (يحط الألف) من شان يساعد القارىءعلى قرائتها بشكل صحيح وبعضهم
يثق في ان القارىء بيقرأها بلسان قائلها000

زياده في التوضيح طال عمرك000

مثل ما ناخذ من كلمة (جفول)00اذا نبيها على وزن وقاف القصيده 00تصير00جفله00وتكتب 00اجفله

(مثال 00لونقول00 غزال وصابته اجفله)

اخيرا وليس اخرا00 اخوي الشامخ 00اتمنى اني قدرت بمجهودي المتواضع ايضاح مااردت الاستفسار عنه

وتقبل احترامي وتقديري


اخوي المحتار
مرحبا والله ومسهلا
البيت والقصيده وصاحبها
تشرفوا بمرورك وتعقيبك
تقبل احترامي وتقديري


اخوكم راكد