نبت الهوى...اهديها لكحيلان

[خالد الدوسري]

تعبت انا ارسم للقا بالسما شموس= لاصار ليل الياس يمحى رسومي
تعبت انا البس من رجا الوصل ملبوس=لاصار نار الشوق تحرق هدومي
ودي انوش البدر لكنه محروس=بيني وبينه جيش فرس(ن) و رومي
اجر صوتي جرة عبيد للقوس=لاجرها ليل(ن) خلى منه نومي
يكفي عزف ياصاحبي فاضت انفوس=يكفي عزف لو سمع ميت يقومي
للحب ياما انحنت هامة الروس= لكن راسي فوق ... فوق الغيومي
على الخفوق بمقدم الرجل بدوس=مادام لي خشم(ن) يشم السمومي
كم واحد(ن) يضحك وله هم مدسوس=خلف الحنايا مخفي(ن) له همومي
وكم واحد(ن) يعطي ولا عنده فلوس=شمر عن الساعد ولا له كمومي
ما يجرح ابهام الندم عضة ضروس= بنفس الشقي عضوين لا لا يلومي
عزاي طير(ن) بالقفص دوم محبوس=احس به فرحة لقاي و قدومي
بين الضلوع وخافقي كنه مغروس=نبت الهوى واخاف يابس بيومي
يوم(ن) به الما للمخاليق مقيوس=لسان الضما مدلوع من فم قومي
ياللي غرسته سالف الوقت منحوس=منحوس شخص(ن) صابته لك سهومي
تعبت انا اتخيلك ماهو بناموس=حزن(ن) لقلبي والحلم ما يدومي
ودي احس ان اللقا يوم محسوس=اخذ علومك يوم تاخذ علومي
ودي اعيشك واقع(ن) حيل ملموس=اشم, اضم, الم, ارقد واقومي
ليال اللقا اللي كنها صارت عروس=مدري علم لقياك ولا حلومي؟

خالد الدوسري



خالد الدوسري
[/poem]

[اصايل نجد]

<CENTER>
<DIV id=cdiv style="BACKGROUND-COLOR: #000000">

<P align=center>[qb]<FONT color=#ffc0ff size=5>


http://www.mamarocks.com/angel2float2.gif



كلام راقي جداً ومعناني رااائعه



مبدع اخي الكريم خالد الدوسري


ننتظر جديدك


تقبل مني تحياتي

[خالد الدوسري]

اصايل تجد...رقي كلامي ماهو الا رقي مشاعرك...انا سعيد جدا بنطباعك اللي في غاية الروعة والجمال...صح ابدنك وتسلم يمينك...اخوك خالد

[K7YLAN]

خالد الدوسري ... ماذا عساني اقول مرت على قصايد وشفت وسمعت
مثل هذه الحبكه .. وهذه القصه التي عشتها معا هذه الشامخه لم اجد

خالد ..صح لسانك بكل برود اقولها لاني احترقت ساعه قرائتي لها ولم اجد اي كلمه توفي بحق هذه القصيده

لنقم سوياً بهذه الرحله معا هذه القصيده لنغوص في اعماقها قليلاً

تعبت انا ارسم للقا بالسمـا iiشمـوس لاصار ليل اليـاس يمحـى iiرسومـي
تعبت انا البس من رجا الوصل iiملبوس لاصار نار الشـوق تحـرق هدومـي

مطلع لا يجيده الا اثنين خالد الدوسري وعبدالعزيز آل سعود(السامر) خيال واسع وتوظيف اجمل واحلا

ودي انوش البـدر لكنـه iiمحـروس بيني وبينه جيش فرس(ن) و iiرومـي

هكذا دائم تقف العوائق في وجه كل محب (العواذل) وفي هذا البيت بالذات بدايه القصه وتصوير اجمل العبارات

اجر صوتـي جـرة عبيـد iiللقـوس لاجرها ليـل(ن) خلـى منـه iiنومـي
يكفي عزف ياصاحبي فاضت iiانفـوس يكفي عزف لو سمـع ميـت iiيقومـي

ألم .. توجد .. احساس شاعر مثقل وتصوير فتوغرافي (يكفي عزف يا صاحبي فاضت انفوس) انا اللي قلتها يكفي
هذا البيت لو كتبته لوحده يكفي عن قصيده( يكفي عزف لو سمع ميتً يقومي )

للحب يامـا انحنـت هامـة iiالـروس لكن راسي فوق ... فـوق الغيومـي
على الخفوق بمقـدم الرجـل iiبـدوس مادام لي خشـم(ن) يشـم iiالسمومـي

ساعه قراتي لهذا البيت وقف على شعر جلدي من قوته ومتانته واقول في نفسي صدقت.. صدقت
وكفو ... كفو

كم واحد(ن) يضحك وله هم iiمدسوس خلف الحنايا مخفي(ن) لـه iiهمومـي
وكم واحد(ن) يعطي ولا عنده iiفلـوس شمر عن الساعـد ولا لـه iiكمومـي

وانشــــــهد وأنشـــــــهد ..... جزل يا خالد جزل

ما يجرح ابهام الندم عضة iiضـروس بنفس الشقي عضويـن لا لا iiيلومـي
عزاي طير(ن) بالقفص دوم iiمحبـوس احس بـه فرحـة لقـاي و iiقدومـي

اي بلله عزاااااه ....

بين الضلوع وخافقي كنـه مغـروس نبت الهوى واخـاف يابـس iiبيومـي
يوم(ن) به المـا للمخاليـق iiمقيـوس لسان الضما مدلوع مـن فـم iiقومـي

مفردات رائعه وتوظيف للمعاني والجمل اروع واجمل .... أستوقفني كثيراً هذا البيت

ياللي غرسته سالف الوقت iiمنحـوس منحوس شخص(ن) صابته لك سهومي
تعبت انـا اتخيلـك ماهـو iiبنامـوس حزن(ن) لقلبي والحلـم مـا iiيدومـي

ما يدوم .. ما يدوم لو دام ما كان ذا بحالك وحالي

ودي احس ان اللقـا يـوم iiمحسـوس اخـذ علومـك يـوم تاخـذ iiعلومـي
ودي اعيشك واقع(ن) حيـل iiملمـوس اشـم, اضـم, الـم, ارقـد iiواقومـي

الله الله ....يا خالد رومنسيه ادخلتني جو اخر لم احس به الا حين اعادتي لهذين البيتين اكثر من مره
واضافه حواس جديده لحواسنا الخمس

ليال اللقا اللي كنها صـارت عـروس مـدري علـم لقيـاك ولا iiحلومـي؟

وكختاميه وقفله محبوكه يعلن الشاعر خالد الدوسري بنهايه قصه (موعد لقاء) بدراميكيه عجيبه لا يجيدها الا خالد

من القلب صح لسانك ولا هنت يا خالد .... احتاج للرجوع اليها عدت مرات ومرات لكي اعيش ما عشته اليوم
من فيض مشاعر اجبرتني على دخولها هذه القصيده


تقبل خالص تحياتي وخالص الود

وفي انتظار الجديد




اخوك كحيلان

[المحتار]

يقف القلم وصاحبه عاجزين عن الاعجاب.....صح لسانك خالد
ولك تحياتي

[خالد الدوسري]

الاخ العزيز...كحيلان...دائما يسعدني تفاعلك مع كلماتي البسيطة..لاادري ماذا اقول ..لاني اخاف اقول ولا اوفيك حقك...واخاف اسكت...ولا تدري بحقك...لكن بعتبرك اللي قلت القصيدة...صح لسانك انت..ولا هنت يا شوق البنت:)...اخوك خالد