وجودي عليها وجد من خاسرٍ معتازْ

[shamekh6]

أنا شاقني قافٍ من الشاعر القزَّازْ=بدالي على معناه قافٍ على قزَّهْ
عسى الله يودِّينا لدارٍ وراء لبرازْ=قطيع الغضاء شبوبهمْ ما احتروا قزَّهْ
ترا ذيك دارٍ يا مبارك وراء لقوازْ=ومن دون (بدع حويل) بالحزم معتَّزهْ
سقاها من البَرَّاق ليلٍ عروض إحجازْ=حقوقٍ مخاله يوم جاه المطر دزَّهْ
وجودي عليها وجد من خاسرٍ معتازْ=قليلٍ حصيله زود ثم إحترق بزَّهْ
فنا لا عذلت القلب ثم قلت جز ما جازْ=حلف ما يجوز القلب من صاحبٍ جزَّهْ
حلف ما يجوز القلب من غاليٍ ممتازْ=رهيف الثَّنايا لونها حبّةْ المزهْ
كما خضرىٍ لاجاك عجلٍ مع المحوازْ=إلى من لطمه الريح ثم فز للفزَّهْ
ضربني على لبهر برمح سطا ماهازْ=عسى الله يولَّينيهْ يوماً بعض حزَّهْ
فلا ياهني إهذيل يا والله الليِّ فازْ=وانا شرعتي من دونها الشَّهب مرتزَّهْ

عبيد ابن عجعج رحمة الله

[K7YLAN]

يا سلام ويا سلام شااااااامخه ياتي بها الشامخ ليضعها بين ايدينا للشاعر عبيد ابن عجعج رحمه الله

فيها من التوجد والحب على وضح النقا الشي الكثيـــــر

لاهنت يا الشامخ لا تاتي الا بالدرر المكنون ..

يا الشامخ ليت الله لا يهينك اذا عندك خلفيه عن مناسبه القصيده او معلومات عن شاعرها

تزودنا بها اطال الله في عمرك وعمر القارى الكريم


ويبدو لي من بيتها الاول انها رد على قصيده اخرى

أنا شاقني قافٍ من الشاعـر iiالقـزَّازْ
بدالي على معناه قـافٍ علـى iiقـزَّهْ

يا ليت توافينا بالقصيده الاخرى لاهنت


أيضا منهو مبارك المقصود في القصيده

وبدع حويل وينه فيه



كثرت عليك يطول في عمرك ... ولكنك عودتنا على سعه ورحابه صدرك

فلا تحرمنا


في الاخير .. كلمه شكر لا توفيك حقك وانت شاعر شامخ من شعراء المنتدى الذي نفتخر بهم




اخوك K7YLAN

[shamekh6]

أخي العزيز كحيلان

أشكرك على تسجيل مرورك على المتصفح .

أما من ناحية القصيدة فقد أصبت هي مجارة ل أبيات قالها شاعر يدعى نصيب في المنطقة الشرقية
يقول منها:

إمريكا تقز الشغل واللعب له قزاز @@ وانا حالف أني لا بدع القاف وأقزه
غزال غزيته يامحمد ومني حاز @@ طمر طمرتين ما كفا الطمر عن نزه
ملكني بعودٍ مثل عود القنا الممتاز @@ كما عود موز يوم جاه الهواء هزه

أما مبارك فما دامت القصيدة قيلت في المنطقة الشرقبة فأكثر ضني أن يكون
الشاعر مبارك بن ماجد الل ناهش رحمة الله رحمة واسعة وأسكنه فسيح جناتة.

أما قصر حويل فهو قصر أبن دليعة و كان يقع غرب موقع خزان المياه في الوادي وكان موجود الى وقت قريب وعند تخطيط المنطقة المحيطة بة إزيل ليكون من ضمن المخطط وهو على المرتفع الواقع شرق شمال المدرسة العسكرية في الوادي .

هذا ما طلبت أخي كحيلان وطلباتك أوامر .

لك جزيل الشكر والتقدير.

[راكد]

ضربني على لبهر برمح سطا ما هاز=
عسى الله يولينيه يوم(ن) بعض ساعه



تسلم 00تسلم 00يالشامخ

والله يرحم شاعرها عبيدبن عجعج

ماهي غريبه عليك ونا اخوك ها الاخيتار
فالمميز لايأتي الا بالمييز

تقبل احترامي وتقديري
اخوك راكد

[shamekh6]

أخي العزيز راكد

أشكرك على الإطراء

وهذا من طيبك وعلو ذوقك

أضنة أعجبك (لبهر) عبيد الله يرحمة من مهندسين زمانة.

لك جُل التقدير.

[المحتار]

حلف ما يجوز القلب من غاليٍ ممتازْ=
رهيف الثَّنايـا لونهـا حبّـةْ المـزهْ
كما خضرىٍ لاجاك عجلٍ مع المحوازْ=
إلى من لطمه الريح ثـم فـز للفـزَّهْ


اخي الشامخ

سلمت ولا ندمت وبيض الله وجهك وين ماكنت

لا تحرمنا من التراث ومن اختياراتك النادرة

ولك تحياتي

[K7YLAN]

لاهنت على كل حال وبيض الله وجهك

أفدتنا وامتعتنا ... بالفعل انت مفخره لنا ولمنتدى السليل



شامخ كعادتك لاتاتي الا بالمصادر الموثوقه .....



خشمك خشمك (12) حالفً ما تقوم


تقبل تحياتي وعميق امتناني


اخوك كحيلان