قول من جرب اصناف الرجال وعرفها

[ولد المبيعيج]

قيمة الرجل مخبر ماتهم المناظر= قول من جرب اصناف الرجال وعرفها
يعجبك مخبر الرجال وقت المحاضر= ولا يهمك مناظر دايسات شرفها
فالتجارب تراها اللي تسن المخابر = قبل ماتبلي الرجال ماتكتشفها
اول المعرفة جلسة مع طيب خاطر = والصداقة مع الطيب ترا ذا طرفها
كل قرم معك حتى بوقت المخاطر= والردي لو طلبته وقفة ماوقفها
جنب اللاش واترك كل شخص مكابر = وانحر امجرب عمق التجارب عسفها
ذا كلام صحيح والتجارب تذاكر= قول رجل تجاوز بالفعل منعطفها



الشاعر/عبدالله بن حمير بن سابر الرجباني الدوسري

[سديم]

يسلمو والله ممتازه القصيده
ابيك تعرف معلومه بعد عن الرجاجيل
فيه رجال تمسك اذنه توصيه او تعتمد عليه
فيه رجال تمسك اذنه توصيه ولا تعتمد عليه
فيه رجال تمسك اذنه لا توصيه ولا تعتمد عليه

[ولد المبيعيج]

كفيت ووفيت وتممتها بطيب مشاركتك

وشاكر على المرور(15)