المساعد الشخصي الرقمي

مشاهدة النسخة كاملة : الثمن عمري...اخر ماكتبت

خالد الدوسري
16/11/2003, 13:10
جيتك وانا للحب يازين شراي...بتبيع ولا غيرك الناس واجد
كان الثمن عمري مع الجرح والناي...اثنين ضرب اثنين ماهو بواحد
البيض ياما ناشدت طيب ممشاي...ياحظها اللي لامست قلب خالد
امشي على وضح النقا واثق اخطاي...ماني بنمام(ن) ولا اني بحاسد
وصلت نجم سهيل بفعال يمناي...باارادة المعبود ماني بجاحد
الطيب في ساسي ياطيب مجناي...بطيبي التاريخ يازين شاهد
الجود صاحبني على الفقر مبداي...جود(ن) يذكر طالبي جود زايد
الحيل تذبح للذي ناصي(ن) جاي...القلب معناز وعيوني مساند
يابنت انا محد(ن) يسوي سواياي...انا الذي رغم الغرابيل صامد
لو كنت تدري ياضنى الروح ومناي...الشعر يكتب حالتي لك قصايد
مااشكي لك اللوعات لله مشكاي...اقول انا دافي لو العظم بارد
بتبيع ولا اسري مع الذيب مسراي...اترك عناد الوقت للي يعاند

خالد الدوسري
راكد
17/11/2003, 16:16
شكرا ياخالد على هذا الاحساس الجميل

سجل اعجابي00والى الامام000

وتقبل فائق الاحترام والتقدير
خالد الدوسري
19/11/2003, 20:18
الف شكر اخوي راكد على انطباعك المميز واعجابك اللي ماهو الا حافز لي للانتاج الشعري..اكثر واكثر...وصح بدنك...اخوك خالد
K7YLAN
01/12/2003, 06:51
صح لسااانك يا خـــــالد صح لساااااانك قلت فابدعت

خرجت من نطاق التقليد في الكثير من القصائد (الكلمات والمعاني والقوافي) ورسمت لك افكار وكلمات غايه في الروعه

صغتها في قالب شعري في غايه السلاسه .. والجمال

فخرجت لنا هذه القصيده بحله جديده وصياغه فريده

جيتك وانا للحب يازين شراي...بتبيع ولا غيرك الناس واجـــــــد





اخوك كحيلان
خالد الدوسري
01/12/2003, 11:19
كحيلان ذو القلب الطيب والذوق الرفيع...اشكرك من القلب...وصح ابدنك...اخوك خالد
المحتار
10/12/2003, 06:29
صح لسانك اخي خالد ولابداعك بقية وسيبقى .... رغم عمرك الزمني القصير معنا إلا ان قصائدك جعلت لاسم خالد الدوسري تميز آخر ...

ولك تحياتي
خالد الدوسري
10/12/2003, 07:52
المحتار...دائما يسعدني مرورك على كلماتي....تميزي ما هو الا تميز ذوقك...تسلم وابشر بالخير...القصايد واجد...لكن ماابي انثرهم كلهم... وحدة وحدة....صح ابدنك وتسلم على الاطراء...اخوك خالد
الاستاذ مبارك الفاضل
10/12/2003, 12:16
السلام عليكم ورحمة الله وبركاته

اشكرك جدا على الابداع وتميز هذة الكلمات وماسبق ان كتبت
خالد عذرا فرغم اعجابي بما تكتب الا اني كنت مقصرا في الرد على ماتكتب وثق ان الاعجاب دائما يؤدي الى الاحجام عن الرد
رائعة هي روائع اكتب فتحن سعداء بك وماتكتب
وبارك الله في كل خطواتك الى الخير
والسلام
الشقاوي
11/12/2003, 05:51
الجود صاحبني على الفقر مبداي...جود(ن) يذكر طالبي جود زايد

الله لايهينك ياخالد وياسلام عليك وعلى ابداعك ماشاء الله
تسلم الف
وشكراااا
يالغالي
يس الاحظك متأثر بناصر القحطاني(5)

وبعد اذنك اباخذ البيت الي فيه زايد
وبحطه في توقيعي لأنه عجبني
اذا مافي احراج
خالد الدوسري
13/12/2003, 15:04
السليل...اعجابك بما اكتب...يدل على احساك المرهف و على طيبة قلبك...ودفء مشاعرك...تفاعلك مع كلماتي اللي ما تسوى شي بدون اعجابك اسعدني كثير ن الله لايهينك...وعشت...اخوك خالد
خالد الدوسري
13/12/2003, 15:06
الشقاوي...دائما يسعدني انطباعك...صح ابدنك حبيبي...اما بالنسبة لتاثري بالشاعر الكبير ناصر القحطاني...ف لان ناصر مدرسة في الشعر اللنبطي الكل ينهل منها ...والقصدة كلها حلالك وليس بيت واحد فقط...اخوك خالد