قصـــــــــــــيده اعجبتني

[البواردى]

بسم الله الرحمن الرحيم


إن كان عفتي خافـقـي يوم تقفين
***********قولي ومالك غير طيبة الخاطر

قولي الذي في خاطـرك ليه تخفين
***********قولي لـي حاضـر اليوم حاضـر

إن كانت الفرقا هي مشهاك يا زين
***********الله يسهـل لك دروب المخاطر

برحل ولو الجـرح منك بجـرحين
*********** وحـدي اكمل رحلتي يم باكـر

يموت الطير الحر ان كان تدرين
*********** لا طـاح بشبك صياد مجاهـر

اعيش سنينً فوق عام الفين
***********واحسب الخلق مثل ما كنت خابر

ما ادري بي جنّه والا عالم مجانين
*********** عجزت الاقـي وسطها قلب طاهـر

ما غير جروحي كنها قبل قرنين
*********** وفي بعضها تفجر ابداعات شاعر

افز للمقبل ولا اطرد المقفين
***********وأقر في وقت الخطأ ما اكابر

ما خنت غير نفسي عادة الامين
********لو بعت غبارها تلقيني اليوم تاجر

مثلي في وقتنا انا ادري قليلين
***********ولين التقي في مثلي بظل اسافر

مـــلاح ولكن غارقٍ بين بحرين
*********** لوعة غـرام ولهفةً ..بالمحاجر

وتذكريني الشمس كل ما تشوفين
*********** بشروقي النور وبغروبي الدفاتر

وتذكريني طول هالليل به ايدين
*********** تكتب لعاشق يبكي مهـره النافر

وتذكريني المعنى في فقدك الزين
*********** تدرين وقتها وشلون ايوب صابـر

وتذكريني فبيض الاوراق تلقين
***********فكره ما تخطر حتى في بال الشاطر

وتذكريني بسمة الطفل والعين
***********في وسط لوحه فيها احلى المناظـر

وتذكرين نسمة الصبح تشمين
*********** طيبً يغار منه الـورد والمباخـر

وتذكريني الجرح لا زاد الانين
************ وتدرين حلمي بين يديك متناثـر

وتذكريني بقلبك الحر السجين
*********** وتذكـريني طـول ما فيه مهاجــر

وتذكريني اللحن في ناي الحزين
***********وحسسيني في صوت الطيور الحناجـر

وتذكريني الشوق لحظات الحنين
*********** ما مثلي مثل كان مسـلم اوكافـر

وتذكريني وان تأكدتي بتدرين
*********** كـم فايزٍ تشوفـه العين الخاسـر

عزاي مثلك والله واجد مساكين
***********اعجبهم الحنظـل في هبهـب الغابـر