وقيان الدوسري
10/11/2003, 21:10
السلام عليكم ورحمه الله وبركاته
اعزائي الكرام اقدم لكم هذه القصيده
التي قلتها بعد موقف حصللي
واتمنى ان تحوز على رضاكم
عزيل من يرجي ورا النذل عـازه=لاصار يطرد في طلبهـا ومعتـاز
اخباث القلوب السود فيها حـزازه=مستوطن فيها كما نقـش شيـراز
اكبار الجروم العوج وكر الخنازه=ياطير لاتكفخ ترى ماكـرك بـاز
لاجيتهم كل(ن)ضحكلـك جهـازه=ولاقفيت شبو في طرف ثوبك القاز
ترى الوعد لاحان وقت الاجـازه=اسوق رجلي في هوى نجد لوجاز
اسليـك ياقلب(ن)يـزود اهتـزازه=دقات نبضه تشبه ألضرب الاهواز
يالعنبـو رجل(ن)يحسـب ألفـازه=خلف الرجال اتشوف مشيه بمعكاز
اتـرك صبي(ن)مايـورد مهـازه=لاصار مايقطع ظما الكبـد لاهـاز
والعمر فرصة وانتهزها انتهـازه=وتال العمر قبر(ن)بنو فوقه اركاز
والهرج عن كثره يكفـي مجـازه=ومن طاع رب الكون بالمغفرة فاز
اعزائي الكرام اقدم لكم هذه القصيده
التي قلتها بعد موقف حصللي
واتمنى ان تحوز على رضاكم
عزيل من يرجي ورا النذل عـازه=لاصار يطرد في طلبهـا ومعتـاز
اخباث القلوب السود فيها حـزازه=مستوطن فيها كما نقـش شيـراز
اكبار الجروم العوج وكر الخنازه=ياطير لاتكفخ ترى ماكـرك بـاز
لاجيتهم كل(ن)ضحكلـك جهـازه=ولاقفيت شبو في طرف ثوبك القاز
ترى الوعد لاحان وقت الاجـازه=اسوق رجلي في هوى نجد لوجاز
اسليـك ياقلب(ن)يـزود اهتـزازه=دقات نبضه تشبه ألضرب الاهواز
يالعنبـو رجل(ن)يحسـب ألفـازه=خلف الرجال اتشوف مشيه بمعكاز
اتـرك صبي(ن)مايـورد مهـازه=لاصار مايقطع ظما الكبـد لاهـاز
والعمر فرصة وانتهزها انتهـازه=وتال العمر قبر(ن)بنو فوقه اركاز
والهرج عن كثره يكفـي مجـازه=ومن طاع رب الكون بالمغفرة فاز