سليمان بن شريم ينصح ابنه..........

[رفيـع الشـان]

الشاعر الكبير سليمان بن شريم رحمه الله ينصح فيها ابنه والله انها من احسن ماسمعت وفعلاًماقال الا الصحيح

يا مل عينٍ فـــــي محاجـــــــيرها شوك ....... ..والقلب به عن لذة الــــــــنوم تكـــاك

لا دك في قلبي مـــــــن الهم داكـــــــوك ....... ..جاوبت طربات الحمايم على الـــراك

عزي لحالك يا عزيز وأنا ابـــــــــوك ..... .كان الزمان اللي توطــــاني توطـــاك

إفهم وصاتي يا عزيز وأنا ابـــــــــوك ....... .دامك صغير وغاية العــــــلم يقــــراك

تراه ما ينــفعك خـــالك ولا أخــــــــــوك ...... ...لا صار ما تقضي لزومك بيمــــــــــناك

وربعك ليا بان الخلل فـــــيك عافــــــوك ....... .. أقرب قريب ٍ لك من الناس يشــــناك

إن كثر مالك صدقواّ لك وطاعــــــــوك ........ وإن قل ما بيديك شانت حلايـــــــاك

لو تطلب الما عندهم كان ما أســـــقوك ......... . إبعد مزارك عن وطنهم ومـــــــــرباك

وإن طاب حظك صدقوّا لك وحــــــبوك ...... وإن بار كلن ما يبي غير فرقـــــــــاك

وإلا إعترض لك من صروف الـنيا صوك .... كلن تبرا منك ماهــــــوب ويـــــــــاك

هراجـــــــــــة المجلس إلى جـــــــيت وروك ........ .منازل ٍ تطرب نظيرك بدنــــــــــــــياك

وإللا قضى منك اللـــــــــــوازم وخلــــــــوك ...... ..تفرقوا وأنت إحتمل كل ما جــــــــاك

كنك ســــــــــراج البيت للنور شــــــــبوّك ....... ..وإلى إنقضى اللازم حدا الربع طفاك

وألا كما ليمونة الحمض مصـــــــــــــوك ....... وإلا قضى منها الطعم فرغــــــــوا ذاك

واللي يجي مـــــن رفقته ريب وشــــكـوك ......... إحذر عنه لياك تصدف بمـــــــــسراك

وإلا جفوك أهل الوطـــــــن وإســـتخفوك .......... . قلّع غريسك منه وإهدم ركايـــــاك

تراك ــــــو تنجع على الربع صــــــعلوك ........... أحسن من اللي نلتجي به وياطـــــاك

عطهم وضــــيفهم إلا مـــــــنهم جـــــــوك ........ .وإغلق ضميرك لا تعلم بقصــــــياك

إن طبت ما حبوّك وإن عبت زالـــــــوك ......... تمضي حياتك ناقل ٍ داك بريـــــاك

وإلى نفوك إمن الوظــــــــيفه وعافــــــوك ........... خفتّ موازينك وكلن تهـــــــقواك

وإصحى لخــــــــلان الرخا لو تغـــــــالوك ......... إعرف ترى أطيبهم إلى إحتجت يجفاك

كنك خــــــــوي مقيط دهووك وأغــــووك ......... وحقك عطاك رشاك وأقفى وخــــلاك

وإحذر عن العلة ترى الحق مـــــــدروك .......... مثل العمل يدركك ما منه فكــــــــاك

وإن كان عدوانك عـــــلى الضيق حدوك ........... فإخصم طلابتهم بعجفاك وقـــــــداك

وإن كانهم لمــشرّف الحق ماشــــــــوك .............. ناظر مطاليع الفرج قبل مـــــــبداك

وإن طاوعوا شيــــطان الأنفس وهانوك ........... فإصبر على البلوى ودفنك رزايـــاك

زرهم تراك إلـــــيا تونـــــيت زاروك ........ .إن ما بديت لصاحب السو يبــــداك

ما دامهم ما طاوعــــوا لك وعــــــرفوك ......... ..إضرب على الكايد إلى عمست رياك

لو هذبوك إمن المصــــاوب وضــــدوك ......... ما يذبحونك قبل تدني مــــــناياك

وإحلم على الجـــــاهل ترى الحلم مبروك .......... .وقم للضعيف اللي من الظيم ينخاك

وإدمــــح خطاجيران بــيتك إلى أوذوك ........ .ترى القصير وحرمة الجار بحـــماك

عطـــهم لوازم حـــــقــــهم لو تناســــــوك .............في كل ما يصلح لدينك ودنـــــــياك

وقم للضيوف اللــــي لفوا لك وضــافوك .......... .أغلى كرامتهم حجاجك وبشــــــراك

وإعــــــــرف ترا مالك للأضياف مشــروك .......... لولاه يطلب حاجته منك ما جـــــاك

وقـــــــــم للرجـــــل إن رايعوا لك وحبـــوك .............وإحشم خويك وأكرمـه عند ملـــفاك

وإلى إعتبرت بـــــــسيرة الناس كــــفــوك ..............ما كثر من شي أتعبك ثم عـــــناّك

ولـــــولا تبات بهمّ دنيــــــــاك مظــــنوك ............. ما طاب لك ما دام لك وإفتــــهم ذاك

لــــو يطلبون إخفايك الناس مــا أخـــــفـــوك .............. الرجل مثل النجم في كل الأفـــلاك

وصــــلاة ربي عــــــــدّ الأوراق والشــــوك ..............أو ناض براق ٍ وما هل ســــــفاك

عــلى الذي مــــا فيه ريب ٍ ولا شــكـــوك ............ امحمد ٍ ما دك بالقــــلب دكــــــاك