فماذا سنفعل في الأيام القادمة ؟؟

[سمراء الوادي]

قبل بدر الاجازة الصيفيه شحذنا الهمم


وقلبنا الدفاتر



و دققنا في الحسابات


ووفرنا كل ماقد تحتاجه وحتى مالانحتاجه


لكي نعيش لحظات هذه الاجازة بكل حريه وطمانينه و سعاده


وهاي الان تقارب على الانقضاء



فماذا سنفعل في الأيام القادمة ؟؟؟
العوده للمدارس .................................. كمثال فقط

[نجــديـــه]

السلام عليكم...

الزمن يدور ونحن معه..والوضع لن يختلف كثيرا عن كل عام..
هي معادله لن تتغير وطقوس سوف تستمر..
بالامس كنا نعد انفسنا للاجازه..وماتحمله لنا ...
واليوم او في الغد سوف نعد انفسنا لاستقبال
عام دراسي جديد..لانه هو الحدث الاهم في
الايام المقبله..يعني لاجديد..والعلم عند الله..

اشكر لك الموضوع..


(سموره الله يهديس كنس غثيتينا بدري بطريا الدراسه )


*ويرعاكم المولى....نجديه*

[الشقاوي]

طبعا حنا المسلمين عندنا الدنيا تقزرة (يعني مؤقته) مش حالك وسو حق الأخرة بتجيك حياة في النهاية بلا موت ولا هموم (ولا هم يحزنون)


الجنة(فيها ماتشتهيه الأنفس وتلذ الأعين) هذا


(والذين كفروا يتمتعون ويأكلون كما تأكل الأنعام والنار مثوى لهم)

اش ورانا حنا ماورانا شي...(12)
والسلااام...

[سمراء الوادي]

مشكووووووورة نجدية على المشاركه
بس الله يهديك من قال تونا خلالالالالالالالاص ماباقي شيء بكرة تلقين باب المدرسة مفتوح (15)
ومثل ماقلتي العام الدراسي و بدايته هو الحدث الأهم في الأيام المقبله

مجرد سؤال ؟؟؟
وش بتسوين عشان استقبال طالبات الصف الأول ؟؟؟؟

[نجــديـــه]

يابنت الحلال وش ..وش اسوي مع اول ابتدائي..؟؟

البلا اني توي ادْرس بالكليه...(في الرياض) لاتدورين في (الوادي) ههههههههه

بعدين اذا تخرجت ان شالله منيب مدرسه هالمبزره..

مابزيت عيالنا عود ابزاهم...ههههههههههههههههه

اكيد انتس تعرفين ان الكليات التربويه تخرج معلمات للمرحلتين

المتوسطه والثانوي..

يابعدي ياسموره لاتكونين تدرسينهم بس...الله يعينس...


*ويرعاكم المولى......نجديه*

[سمراء الوادي]

اممممممممممممممم يالشقاوي ماوراك شيء هاااااااااااااااه ؟
ترى مافيه احد ضامن الجنة الله لايحرمنا منها وبس (11)
لازم يكون عندك خطه معينه بسررررررررعه خطط وقول

مشكووووووووور على الرد (11)(11)(11)
والسلااام...

[سمراء الوادي]

مشكلتنا يانجديه انا مانعر ف ان هالمبزرة هم الأساس
يعني لو ماتأسسوا زين مااحد ناشب فيهم الاا نتي لاصاروا في المتوسط و الثاتوي هههههههههههههههههههه

وبعدين من امنياتي الي الاا لآن ماتحققت اني الاقي ان عمليه استقبال طالبات الصفوف المبكرة يكون بتخطيط وتنسيق و تنفيذ من طالبات الصفوف الأخرى وليس من المعلمات .

وبمشاركه من طالبات الكليه حتى وان كان في اعطاء بعض الفكار التي قد تفيد بدلا من الروتين المعهود حلاو وبسكوت ثم خلالالالالالالالالالاص (15)

على فكرة انا لست معلمه (11)(11)

[نجــديـــه]

يـــــــــاحبيلس ياسمرا...

لكن ابشري بدور عن اللي تبينه ...

ان لقيت فزين...والا المعذره ياخيتي...

بعدين تعالي ..منتب مد رّسه اجل وشوله مزعجتنا..ههههههههه




*ويرعاكم المولى......نجديه*

[الشقاوي]

معليش ياسمراء الوادي لأني تأخرت عن الرد توني والله أشوفه

وبعدين حرام عليش ظلمتينا ماعندنا لا خطه ولاشي

غير اني أحقق حلمي
في الدنيا طيار
وفي الأخرة المغفرة والجنة
غير كذا مافي

و

السلام
أحلي ختام...(39)(39)