قصيدة بمناسبة مزاين الدواسر

[العماني]

السلام عليكم ورحمة الله وبركاته

هذي قصيدة بمناسبة مزاين الدّواسر للمجاهيم الذي أقيم في الدّهناء 000 والقصيدة للشّاعر/نفل بن سعود الخرفاني الدّوسري


قبل نبدا نذكر اللي خلقنا فالوجود=رازق المخلوق في برّها وبحورها
جلّ شانه ما خضعنا لغيره فالسّجود=والأوادم يعلم اللي تكن صدورها
بعد هذا عد ما حنّ زلزال الرّعود=في مزونٍ لاتنشّت يزين حدورها
يا سلامي يا رجالٍ عريبين الجدود=يا رجالٍ فالمواقف طوال شبورها
يا هل العادات والطّيب والفعل امحمود=المشاعر تبني الشّعر لاجاء دورها
والمزاين صار عند الدّواسر فالنّفود=حفلته في لبّة العرق يجذب نورها
بيّض الله وجه من رزّ للخيمة عمود=والنّشامى شاركت فيه من ميسورها
قوّموه أهل الجمايل محللة العقود=بارك الله في رجالٍ تجمّع شورها
في هواء البل يبذلون الخساير والجهود=ما ثناهم عن هواها جمال قصورها
البل اللي جردٍ أرقابها واللون سود=كنّها مطعونةٍ لامشت فنحورها
طفّحن لحيانها زاهيه زين الخدود=تلفت أنظار العواريف بين حظورها
الأذان أذان ذيبٍ عن المال امحدود=والبدو لاوايق الرّيع شاف نشورها
والخشوم إلها عرانين لا مرّت تحود=كلّ فنسى يفتخر فاللقى مصطورها
والمشارب ظافية جارها الله مالحسود=والجروم كبار وأيضا طوال ظهورها
وبرةٍ فجحا العراقيب غاربها سنود=تنقل المعطان في جنبها بشعورها
عسم أياديها ولا درّبوها بالقيود=كلّ دارٍ لا أزهرت بشّرت بزهورها
خفّها خفّ الجمل وصفها وصفٍ يكود=شوفها للرّوح راحة وكلّ سرورها
المزاين لاثبت والجماهير الشّهود=تعجب اللجنة ويصفق لها جمهورها
هي غنات البدو يوم الكسايف والزّهود=درّّها زادٍ شروبٍ طوال شهورها
والدّواسر في هواء البل يسجّون الحدود=من على وقت الجهل في قديم عصورها
دونها بمصقّلٍ من تصاميم الهنود=وكل شلفى حدّها ورّده ممرورها
يوم قيمتها المنايا وظلمات اللحود=لابتي من دونها مثل عالي سورها
وفي زمان اليوم نعمة وقيمتها النّقود=عند أهلها عاليٍ سعرها ومقدورها
وما على باق القبايل على ماقلت زود=كم رجالٍ تذخر العز مع مذخورها
ونحمد الله كلّنا شعب باسم آل السّعود=هم سلاطين البلد درعها ونمورها
مثل ظلعٍ راسيٍ ما تهزّه كلّ نود=والبلاد كتاب رب البشر دستورها
ويا الله انّك تنصر الدّين وتخذل اليهود=والأعادي كيدها رجّعه فنحورها

وسلامتكم
الشّاعر/ نفل بن سعود الخرفاني الدّوسري

[مجهول]

و من قال سالم
صح لسان قايلها و ناقلها

قصيدة رائعة

[شيخـــةالزين]

(31) (31) يعطـــــيك العافيــــــــة وما قصـــــرت وتقبل منـــــــي
كـــــــــل الأحــــــــترام والمحبــــــــــة00000




شيخــــــــــة الزيــــــــن(31)

[shamekh6]

العزيز العماني حمداً على سلامتك
ولك مكان دائماً أراه شاغر مكتوب علية الرجاء عدم الجلوس المكان محجوز .
عند قرائتك هذه الوحة الرجاء عدم الغضب صاحب المكان زارق فرنسا الله أيوفقة دنيا وأخرة وفي إنتظار عودتة .
كم أنا سعيد عند عودتي ووجودك هنا في مكانك الذي كان شاغر ولا يليق الا بك .

أما من ناحية القصيدة فهي كما عودتنا أنت .

أهلاً أخي بك عزيزاً دائم

[العماني]

المجهول،شيخة الزين
الله يعافيكم وشكرا على ردودكم الطيبة.

والله يسلمك يالشامخ،وان شاء الله تبقى دائماً شامخ في هذا المنتدى الطيب.وسأحاول كل ما جتني فرصة أن اشارك في هذا المنتدى الرائع،والله لا يهينك على ردك الطيب.

أخوك